قر عىلىم جانە جوعارى ءبىلىم مينيسترلىگى ۇبت-نىڭ ارالىق ناتيجەلەرىن جاريالادى. الماتى وبلىسىنان تۇلەپ ۇشقان جاس تۇلەك 140 بالل جينادى, دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.
ۇبت باستالعالى بەرى تالاپكەرلەردىڭ 77 پايىزى شەكتى بالل جيناعان. ورتاشا بالل 69 بالل بولدى.
«ۇبت-نىڭ التىنشى اپتاسىندا الماتى وبلىسىنىڭ تۇلەگى ەڭ جوعارى 140 بالل جينادى. كەشە, 27 ماۋسىمدا الماتى وبلىسىنىڭ ەسىك قالاسىندا تالاپكەر ۇبت-نى ماتەماتيكا-ينفورماتيكا كومبيناتسياسى بويىنشا تاپسىردى. 5 ادام 138 بالل جينادى. ۇبت قورىتىندىسى بويىنشا سوڭعى رەت 2021 جىلى پاۆلودار وبلىسىنان, 2018 جىلى الماتى قالاسىنان كەلگەن تالاپكەر 140 بالل جيناعانىن ەسكە سالامىز», دەلىنگەن حابارلامادا.
ەڭ جوعارى بالل جيناعان – الماتى وبلىسى تالعار اۋدانى قارابۇلاق اۋىلىنىڭ №22 ورتا مەكتەبىنىڭ تۇلەگى جاننۇر ەڭسەبەك.