استاناداعى №10 اۆتوبۋس باعىتىنىڭ قوزعالىس كەستەسى وزگەرەدى, دەپ حابارلايدى Egemen.kz City transport systems (CTS) كولىك كومپانياسىنىڭ ءباسپاسوز قىزمەتىنە سىلتەمە جاساپ.
«ەندى مارشرۋت «حان شاتىر» ساۋدا ورتالىعىنان وتپەيدى, ول قوناەۆ كوشەسىنەن قابانباي باتىر داڭعىلىنا قاراي بۇرىلادى, وسىلايشا ەكى باعىتتاعى سحەما دا بىردەي بولادى», دەپ حابارلادى كولىك كومپانياسىنىڭ ءباسپاسوز قىزمەتى.
وزگەرىس مارشرۋتتىڭ تەحنيكالىق سيپاتتامالارىن جاقسارتۋ ءۇشىن جاسالادى.
«بۇل قاشىقتىقتى ءبىر شاقىرىمعا, اينالىم ۋاقىتىن ءۇش مينۋتقا قىسقارتۋعا جانە قوزعالىس ارالىعىن قىسقارتۋعا ىقپال ەتەدى», دەپ قوستى CTS ءباسپاسوز قىزمەتى.
كولىك كومپانياسى استانالىقتار مەن قالا قوناقتارىن ساپارلارىن جوسپارلاۋ كەزىندە وسى اقپاراتتى ەسكەرۋگە شاقىردى.