ەرتەڭ, 28 ماۋسىمدا استانا قالاسىندا «اتامەكەن» قر ۇكپ باسقارما توراعاسى رايىمبەك باتالوۆتىڭ توراعالىعىمەن شانحاي ىنتىماقتاستىق ۇيىمى (شىۇ) ىسكەرلىك كەڭەسى القاسىنىڭ 25-ءشى وتىرىسى وتەدى. ءىس-شارا بارىسىندا شىۇ-عا مۇشە ەلدەر اراسىنداعى ەكونوميكالىق ىنتىماقتاستىقتىڭ نەگىزگى ماسەلەلەرى مەن پەرسپەكتيۆالارىن تالقىلاۋ جوسپارلانىپ وتىر, دەپ حابارلايدى Egemen.kz.
كۇن تارتىبىنە ساۋدا-ەكونوميكالىق بايلانىستاردى جانە ينۆەستيتسيالىق ىنتىماقتاستىقتى نىعايتۋ, بىرلەسكەن ينفراقۇرىلىمدىق جوبالاردى دامىتۋ ماسەلەلەرى ەنگىزىلگەن.
وتىرىستا مەملەكەتتىك ورگانداردىڭ, ىسكەر توپتاردىڭ, حالىقارالىق ۇيىمداردىڭ وكىلدەرى, سونداي-اق ەكونوميكا جانە حالىقارالىق قاتىناستار سالاسىنداعى جەتەكشى ساراپشىلار ءسوز سويلەيدى.
تۇستەن كەيىن ىسكەرلىك كەڭەس شەڭبەرىندە «ساۋدا-ەكونوميكالىق ىنتىماقتاستىق (ونەركاسىپ, كولىك-لوگيستيكا, ينۆەستيتسيا, مادەنيەت جانە تۋريزم)» تاقىرىبىندا شىۇ بيزنەس-فورۋمى وتەدى. وندا ءىرى كومپانيالاردىڭ B2B كەزدەسۋلەرى بولادى. اتالعان ءىس-شارا تىكەلەي ىسكەرلىك بايلانىستار ورناتۋعا, بىرلەسكەن جوبالاردى تالقىلاۋعا جانە كەلىسىمدەرگە قول قويۋعا بىرەگەي مۇمكىندىك بەرەدى.