ءبىلىم پلاتفورماسىنىڭ بىلگىرلەرى

«Coursera» جانە قازاقستان

«سourserا» – الەمدەگى بەدەلدى جوعارى وقۋ ورىندارىنداعى پروفەسسور, وقىتۋشىلاردىڭ كۋرسىن وقۋعا مۇمكىندىك بەرەتىن ونلاين ءبىلىم بەرۋ الاڭى. «سoursera.org» سايتىنداعى اشىق دەرەكتەرگە سۇيەنسەك, بۇل ءبىلىم پلاتفورماسىن قازىر 148 ميلليوننان اسا ادام قولدانادى. وسى سايتتا جوبا تۋرالى: «Coursera» – بۇكىل الەم بويىنشا جەكە تۇلعالار مەن ۇيىمدارعا يكەمدى, قولجەتىمدى, جۇمىسقا قاتىستى ونلاين وقى­تۋدى قامتاماسىز ەتۋ ءۇشىن 300-دەن اسا جەتەكشى ۋنيۆەرسيتەتپەن جانە كومپانيامەن سەرىكتەس. ءبىز پراكتيكالىق جوبالار مەن كۋرس­تاردان باستاپ جۇمىسقا دايىن سەرتيفيكاتتار مەن ديپلومدىق باعدارلامالارعا دەيىن وقىتۋدىڭ كوپتەگەن مۇمكىندىگىن ۇسىنامىز», دەلىنگەن.

عىلىم جانە جوعارى ءبىلىم مينيسترلىگى «قازاقستان حالقىنا» قورىنىڭ قول­داۋ­ى­مەن الەمدىك دەڭگەيدەگى وزىق وقۋ ورىن­دارى­نىڭ ءبىلىم بەرۋ پلاتفورماسىن قازاقستاندىق ستۋدەنتتەرگە ونلاين تەگىن پايدالانۋعا جاعداي جاسادى. ناتيجەسىندە, شەتەلدىك ۇزدىك دارىستەر قازاق تىلىنە اۋدارىلدى. ەلىمىزدىڭ ستۋدەنتتەرى «Coursera»-داعى الەمنىڭ الدىڭعى وندىعىنا كىرەتىن ۋنيۆەرسيتەت پروفەسسورلارىنىڭ 100-دەن اسا كۋرسىن قازاق تىلىندە وقىدى. مىنە, ەكىجاقتى كەلىسىمنىڭ تاعى ءبىر ءتيىمدى تۇسى, كەزەكتى جەتىستىگى دەسەك بولار. قازاقستاندىق جوعا­رى وقۋ ورنىنىڭ وقىتۋشى-پرو­فەسسورلار قۇرامى ەندى الەم­گە ايگىلى وزدەرىنىڭ اۆتورلىق دارىس­تە­رىن «Coursera» پلاتفورماسىنا ەنگىزۋگە مۇمكىندىك الدى.

جاسۋشاعا ساياحات

س.امانجولوۆ اتىنداعى شىعىس قازاق­ستان وڭىرلىك ۋنيۆەرسيتەتى بيولوگيا كافەدراسىنىڭ قاۋىم­داستىرىلعان پروفەسسورى گۇلناز سادىقانوۆا اۆتورلىق كۋر­سىن «Coursera» پلاتفورماسىنا ۇسىن­دى. ونىڭ «ەۋكاريوتتىق جاسۋ­شانىڭ قۇرىلىمدىق-فۋنك­تسيو­نالدىق ۇيىم­داس­تى­رىلۋى نەمەسە جاسۋشاعا ساياحات» دەپ اتالاتىن ونلاين-كۋرسى الەمدىك ءبىلىم پلاتفورماسىنىڭ تەحنيكالىق تالاپتار مەن ماز­مۇندىق بولىك بويىنشا وڭ ساراپتامالىق قورى­تىن­دىسىن الدى. جاقىن ارادا پرو­فەسسور «Coursera Kazakhstan» كومان­داسىمەن بىرلەسىپ, كۋرس ماتەريالدارىن «Coursera» الەمدىك پلات­فورماسىنا جۇكتەي باستايدى. وسىلايشا, ول «Coursera قازاق تىلىندە» جوباسى اياسىندا اۆتور­لىق جۇمىستى پلاتفورماعا ورنا­لاس­تىر­عان العاش­­قى وتاندىق عالىم اتانباق.

– مەنىڭ زەرتتەۋ ءپانىم – جاسۋشا بيولوگياسى. كۋرستىڭ ماقcاتى – جاcۋشانى كۇردەلى بيولوگيالىق جۇيە رەتىندە زەرتتەۋ, ونى فيزيولوگيا, گەنەتيكا, مولەكۋلالىق بيولوگيانى مەڭگەرۋدە قولدانۋ. مەنىڭ جۇمىسىمدا جاسۋشا تەو­ريا­­سى, جا­سۋشالاردى ۇيىم­داس­­تىرۋ تۇر­لە­رى, ەۋكا­ريوتتىق جاسۋ­­شا­­­نىڭ قۇ­­رى­لىمدىق-فۋنك­تسيو­نالدىق جۇ­­يە­­­لەرى, گەنە­تي­كا­لىق اقپاراتتى ساق­­­تاۋ, كوبەيتۋ جانە ەنگىزۋ جۇيە­­سى تۋ­را­لى سوڭعى مالى­مەت­تەر بەرىل­گەن, – دەدى پروفەسسور.

كەيىپكەرىمىز ءوزىنىڭ اۆتورلىق كۋرسىن ۋنيۆەرسيتەتتەگى «EdSmart Premium» ينتەراكتيۆتى بەينە­جازباسىنىڭ جاڭا مۋلتي­مە­ديالىق ستۋدياسىندا ساپالى دا­يىن­داۋعا مۇمكىندىك الدى. تسيفر­لىق زەرتحانا بەينە-اۋديو جاب­دىق­­تارمەن جابدىقتالعان, بۇل وقى­تۋشىلارعا زاماناۋي ادىستەر مەن قۇرالداردى پايدالانا وتىرىپ, «Coursera» پلاتفورماسى ءۇشىن ءبىلىم بەرۋ كونتەنتى مەن كۋرس­تارىن دايىنداۋعا جاعداي جاسايدى.

ساكرالدى ماڭعىستاۋ

ش.ەسەنوۆ اتىنداعى كاسپي تەح­نو­لوگيا­لار جانە ينجينيرينگ ۋنيۆەر­سيتەتىنىڭ پروفەسسورى, فيلولوگيا عىلىمدارىنىڭ دوكتورى بيبايشا ىلياسقىزىنىڭ «ساكرالدى ماڭعىستاۋ» كۋر­سى­ «سoursera» پلاتفورماسىنا ەن­گى­زىلدى. قازاق تىلىندە ازىر­لەنگەن اتال­عان كۋرس تاريح, ەتنو­گرا­فيا, ارحەو­لوگيا, ولكە­تانۋ, مادە­نيەت­تانۋ سالالارى بو­يىنشا ىزدە­نۋ­شى­لەرگە, كيەلى ەسكەرت­كىشتەرگە قىزى­عۋشىلىق تانىتاتىن كوپ­شىلىك­كە, تۋريستەرگە, ءوزىن-ءوزى جەتىل­­دىرۋگە ۇمتىلاتىن جاستارعا ارنال­عان.

كۋرستىڭ اۆتورى ماڭعىستاۋدىڭ قاسيەتتى جەرلەرى بويىنشا ەكسپە­ديتسياعا قاتىسقان, سول ەكسپەديتسيادا تۇسىرگەن بەينەفراگمەنتتەر مەن عىلىمي ماقالالاردى كۋرسىنا ەنگىزىپتى. كۋرستىڭ مازمۇنىندا الەمدىك عىلىمدا ءجيى قولدانىلاتىن «قاسيەتتىلىك» ۇعىمىنا جانە قانداي دا ءبىر وبەكتىلەر مەن قۇبىلىستاردى قاسيەتتى دەپ تانۋ كريتەريلەرىنە تۇسىنىك بەرىلەدى. نەوليت, پەتروگليفتەر, ماڭعىستاۋدىڭ ءتۇرلى كەزەڭدەرىنەن الىنعان دەرەكتەر بەرەتىن سيمۆولدار, ءدىني-ميفولوگيالىق راسىمدەردى, ەپي­تا­فيالىق جازبالاردى, فولك­لور­لىق, ەپيكالىق مۇرانى وتكىزۋ وبەكتىلەرىنەن باستاپ ساق­تال­عان ماڭعىستاۋ وبلىسىنىڭ سيمۆول­دا­رىنىڭ قاسيەتتى ءمانى, ونىڭ جال­پى ادامزات وركەنيەتىنىڭ قالىپ­تا­سۋىنداعى ورنى تالدانادى.

بۇل كۋرس باستاپقىدا وتان­دىق تىڭداۋشىلارعا ۇسىنى­لا­دى. الداعى ۋاقىت­تا باسقا مەم­لە­­كەت­تەردىڭ تىڭداۋ­شى­لارى ءۇشىن دە حا­لىق­­ارالىق دەڭگەيگە شى­عا­رى­­لا­دى.

بيزنەستى جوسپارلاۋ

قازىرگىدەي نارىقتىق زامان­دا ءار ادام ءوز بيزنەسىن باس­تا­عى­سى كەلەدى. سول سەبەپتى ح.دوس­­مۇ­حامەدوۆ اتىنداعى اتىراۋ ۋني­ۆەرسيتەتىنىڭ اعا وقىتۋشىسى, مەنەدج­مەنت ماگيسترى اينۇر تاجي­دەنوۆانىڭ «بيزنەس جوس­پارلاۋ نەگىزدەرى» اتتى ونلاين-كۋرسى بيزنەس, قارجى, ەكونوميكا با­عى­تىندا وقيتىن ستۋدەنتتەرگە عانا ەمەس, كاسىپكەرلىككە بەت بۇر­عان­دارعا دا پايدالى بولاتىن سەكىلدى.

– «ونلاين-كۋرستى ستۋدەنتتەر اۋدي­تورياعا كىرمەي-اق قالاعان ۋاقىتىندا وقىپ, دارىستەردى تىڭ­داپ, تاپسىرمالارىن ورىنداپ, سەرتيفيكاتتارىن الىپ كەلسە, ءتيىستى باعاسىن الا الادى. بۇل ستۋدەنتكە دە, وقىتۋشىعا دا ءتيىمدى. ال مەن ونلاين-كۋرس ەسەبىنەن بوساعان ۋاقىتىمدى عىلىمي زەرتتەۋلەرگە, ماقالالار جازۋعا ارنايمىن, – دەيدى كۋرس اۆتورى.

2024 جىلدان باستاپ «Coursera» پلاتفورماسىندا جاساندى ينتەل­لەكت نەگىزىندەگى «Course Builder» كونسترۋكتورى قوسىلدى. «Course Builder» ارقىلى قىسقا ۋاقىت ارا­لىعىندا جاڭا كۋرستاردى قۇراس­تىرىپ, پلاتفورمادان سايكەس مازمۇندى جىلدام تابۋعا بولادى. بۇل وقىتۋشىلارعا وتە ءتيىمدى.

دۇرىس پايىمداۋ عىلىمى

ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى الەۋمەتتىك عىلىمدار فاكۋلتەتىنىڭ پروفەسسورى ايگۇل تۇرسىنباەۆانىڭ «لوگيكا – دۇرىس پايىمداۋ عى­لىمى» اتتى كۋرسى «Coursera» عا­لام­دىق پلاتفورماسىنىڭ كاتا­لوگىنە ەنگىزىلدى. بۇل كۋرس ەۋرازيا ۇلتتىق ۋنيۆەرسيتەتىندە تسيفر­لىق دامۋ جانە ونلاين وقىتۋ دەپارتامەنتىنىڭ زاماناۋي ماتە­ريالدىق-تەحنيكالىق جابدىق­تا­رىنىڭ كومەگىمەن جازىلعان.

قازاق تىلىندەگى بۇل كۋرس بولا­شاق فيلوسوفتار مەن زاڭ­گەرلەرگە, گۋ­مانيتارلىق عىلىمدار بويىنشا ءبىلىمىن كەڭەيتكىسى كەلەتىندەرگە دە پاي­دالى بولماق. وقۋ كۋرسى رەفلەك­سيانىڭ فورمالارى مەن زاڭ­دىلىقتارىن زەرتتەۋگە جانە سى­ني تۇرعىدان ويلاۋ مەن تالداۋ­دى جانە قورىتىندى جاساۋدى دامى­تۋعا باعىتتالعان.

– بۇل – تەك تەوريالىق قانا ەمەس, سونىمەن قاتار ويلاۋ مادەنيەتىن دامىتاتىن جانە ءوز ويىن انىق ءارى تۇسىنىكتى جەتكىزۋ­گە ىقپال ەتەتىن پراكتيكالىق كۋرس. لوگيكانى مەڭ­گەرۋ – جاي عانا دايىن بىلىممەن قارۋلانۋ ەمەس, ەڭ الدىمەن, دۇرىس ويلاۋ زاڭدىلىقتارىن زەردەلەۋ, اقىل-وي مەن پاراساتتىلىقتى مەڭ­گەرۋ, دالەلدەردى قولدانا ءبىلۋ, – دەدى ا.تۇرسىنباەۆا.

اۆتوردىڭ ايتۋىنشا, وقىتۋ نەگىزىنەن بەينەروليكتەر, تەگىن ونلاين وقۋلىقتار جانە تاپسىرمالار ارقىلى جۇزەگە اسىرىلادى. ءار ءمودۋلدىڭ سوڭىندا QR-كود ارقىلى قوسىمشا ماتەريالدار بار. سونىمەن قاتار قاجەتتى ءارى جەتكىلىكتى ادىستەمەلىك تالاپتار مەن ەرەجەلەردى دە تابۋعا بولادى.