كوكشەتاۋدىڭ №2 قازاندىعىن قىس مەزگىلىنە دايىنداۋعا ۇكىمەت رەزەرۆىنەن 2,3 ملرد تەڭگەدەن استام قاراجات جۇمسالادى, دەپ حابارلايدى Egemen.kz.
بۇل جىلۋ كوزىنە ارقايسىسى 100 گكال/ساع جىلۋ ونىمدىلىگى بار ءۇش كومىرتوزاڭدى سۋ جىلىتۋ قازاندىعى ورناتىلعان. ولار گيدراۆليكالىق ادىسپەن كۇل ۇيىندىسىنە ارنايى كۇل-قوج قۇبىرلارى ارقىلى شىعارىلاتىن قالدىقتاردىڭ كوزى سانالادى. بۇگىنگى تاڭدا 2012 جىلى تۇرعىزىلعان كۇل ءۇيىندىسى 100% تولعان.
وسىعان بايلانىستى ءبولۋ جۇيەسىن رەكونسترۋكتسيالاۋعا جانە كۇل ءۇيىندىسىن ۇلعايتۋعا ۇكىمەت رەزەرۆىنەن قاراجات باعىتتالادى, بۇل الداعى جىلىتۋ ماۋسىمىندا اۋداندىق قازاندىقتىڭ ۇزدىكسىز جۇمىسىن قامتاماسىز ەتۋگە مۇمكىندىك بەرەدى. قىستا ول تاۋلىك بويى جۇمىس ىستەيدى.
№2 اۋداندىق قازاندىق №1, «كوكشەتاۋ 2» جانە «كراسنىي يار» قازاندىقتارىمەن قاتار جىلۋ ەنەرگياسىن وندىرۋمەن, بەرۋمەن جانە تاراتۋمەن اينالىساتىن «كوكشەتاۋ جىلۋ» كاسىپورنىنىڭ جىلۋ كەشەنىنە كىرەدى. جالپى, ول 5 مىڭنان استام كوپپاتەرلى جانە جەكە تۇرعىن ءۇيدى, سونداي-اق 120 ءبىلىم بەرۋ نىسانىن, 46 دەنساۋلىق ساقتاۋ وبەكتىسىن, 1 مىڭنان استام ونەركاسىپ نىسانىن جانە وزگە دە ۇيىمداردى جىلۋمەن قامتاماسىز ەتەدى.
قازاقستاندا الداعى كۇزگى-قىسقى كەزەڭگە جىلۋ كوزدەرىن قارقىندى دايىنداۋ جۇمىسى ۇكىمەت باسشىلىعىنىڭ باقىلاۋىندا.