XXXIII جازعى وليمپيادا ويىندارى – قازاقستاننىڭ تاۋەلسىز ەل رەتىندە قاتىسقالى وتىرعان سەگىزىنشى جازعى وليمپياداسى بولماق, دەپ جازادى Egemen.kz.
ازىرشە قازاقستاننان 70 سپورتشىدا 80 ليتسەنزيا بار, جازعى ويىندارعا 45 سپورتشى ءبىرىنشى رەت قاتىسادى.
جولدامانىڭ ەڭ كوبىن بوكسشىلارىمىز (10 ليتسەنزيا) جەڭىپ العان.
پاريج-2024-كە باراتىنداردىڭ ىشىندە ەڭ تاجىريبەلىسى — 31 جاستاعى ۆلاديسلاۆ ياكوۆلەۆ (اكادەميالىق ەسكەك ەسۋ), ول 2012 جىلعى لوندون وليمپياداسىنان بەرى تۇراقتى تۇردە قاتىسىپ كەلەدى.
بۇعان دەيىن جۇلدە العاندار: توكيو وليمپياداسىنىڭ قولا جۇلدەگەرلەرى ساكەن بيبوسىنوۆ پەن قامشىبەك قوڭقاباەۆ.
ەڭ كوپ جۇلدە يەگەرى ەلدوس سمەتوۆ – ريو جانە توكيو وليمپيادالارىندا جۇلدەگەر بولعان.
17 جاستاعى باتىرحان تولەۋعالي (تاەكۆوندو) ەڭ جاس سپورتشى بولسا, ەڭ ەگدە سپورتشى – 37 جاستاعى ەلمير ءالىمجانوۆ (سەمسەرلەسۋ).
وليمپيادانىڭ ىرىكتەۋ كەزەڭدەرى ءالى مارەسىنە جەتكەن جوق.
ەستەرىڭىزگە سالايىق, XXXIII جازعى وليمپيادا ويىندارى 26 شىلدە – 11 تامىز ارالىعىندا وتەدى. وعان 205 ەلدەن 10 500 سپورتشى قاتىسادى دەپ جوسپارلانعان. وندا 32 سپورت تۇرىنەن 329 مەدال جيىنتىعى ساراپقا سالىنادى.