كوكشەتاۋ. 26 ءساۋىر. اقمولا وبلىسىندا 114 جاستاعى قاريا ءوز اياعىمەن سايلاۋ ۋچاسكەسىنە بارىپ داۋىس بەردى. بۇل تۋرالى «قازاقپارات» ءتىلشىسى حابارلادى.
عاسىردان ارتىق جاساعان كەيۋانا قازينا يسمايلوۆا كوكشەتاۋ قالاسىنىڭ ىرگەسىندەگى كراسنويار كەنتىندە تۇرادى. بۇگىن تاڭەرتەڭ ەرتە اجەي وسىنداعى ءوزى تىركەلگەن №4 سايلاۋ ۋچاسكەسىنە بارىپ, قالاعان كانديداتىنا داۋىسىن بەردى.
اتالعان سايلاۋ ۋچاسكەسىندە 1537 سايلاۋشى تىركەلگەن. قازىرگە دەيىن مۇنداعى سايلاۋشىلاردىڭ تورتتەن ءبىرى, ياعني شيرەك بولىگى داۋىس بەرىپ ۇلگەرگەن.
ەسكە سالا كەتەيىك, قازينا يسمايلوۆا 1901 جىلى تۋعان. بۇگىندە قاريا بالالارى مەن نەمەرە-شوبەرەلەرىنىڭ قىزىعىن كورىپ وتىر.
باقبەرگەن امالبەك.
دەرەك, سۋرەت: قازاقپارات.