دزيۋدودان قازاقستان قۇراماسىنىڭ مۇشەسى ەسميگۇل كۋيۋلوۆا (63 كەلى) وليمپيادا ويىندارىنىڭ جەكەلەي سىنىندا باق سىنايدى. ول حالىقارالىق دزيۋدو فەدەراتسياسىنىڭ قوسىمشا جولداماسىنا يە بولدى, دەپ حابارلايدى Egemen.kz تۋريزم جانە سپورت مينيسترلىگىنىڭ ءباسپاسوز قىزمەتىنە سىلتەمە جاساپ.
وسىلايشا, قازاقستان قۇراماسى اتىنان جەكەلەي سىندا باق سىنايتىن سپورتشىلار سانى 9-عا جەتتى. بۇعان دەيىن ەسميگۇل كۋيۋلوۆانىڭ ارالاس كوماندالىق جارىسقا قاتىساتىنى بەلگىلى بولعان ەدى.
وليمپيادا ويىندارىندا بەلدەسەتىن دزيۋدوشىلار:
ەرلەر: 60 كەلى - ەلدوس سمەتوۆ; 66 كەلى - عۇسمان قىرعىزباەۆ; 73 كەلى - دانيار شامشاەۆ; 81 كەلى - ابىلايحان جۇبانازار; -100 كەلى - نۇرلىحان شارحان.
ايەلدەر: 48 كەلى - ابيبا ابۋجاقىنوۆا; 63 كەلى - ەcميگۇل كۋيۋلوۆا; +78 كەلى - كاميلا بەرلىقاش.
دزيۋدودان وليمپيادالىق تۋرنير 26 شىلدە – 3 تامىز ارالىعىندا وتەدى دەپ جوسپارلانعان.
قازىرگى ۋاقىتتا قازاقستان قۇراماسى ەنشىسىندە سپورتتىڭ 24 تۇرىنەن 80 ليتسەنزيا بار. پاريجگە اتتاناتىن سپورتشىلار سانى - 70.