وسكەمەن قالاسىنىڭ تۇرعىنى الەۋمەتتىك جەلىنى پايدالانا وتىرىپ, مەملەكەتتىك قىزمەتكەردى قورلاعانى ءۇشىن جازالاندى, دەپ حابارلايدى Egemen.kz سوتتىڭ ءباسپاسوز قىزمەتىنە سىلتەمە جاساپ.
№2 قالالىق سوتتىڭ ءباسپاسوز قىزمەتى حابارلاعانداي, تۇرعىن يا.-نى 9 ساۋىردە ساعات 21:00 شاماسىندا وسكەمەندەگى بەلينسكي, باجوۆ كوشەلەرىنىڭ قيىلىسىندا پوليتسيا قىزمەتكەرلەرى توقتاتقان. ءوزىنىڭ قىزمەتتىك مىندەتتەرىن ورىنداۋ كەزىندە پوليتسيا قىزمەتكەرى ك-گە جۇگىنگەن, تۇرعىن وزىن ادەپسىز ۇستاعان. كەيىن پوليتسيا قىزمەتكەرىن قورلاعان بەينەجازبانى TikTok الەۋمەتتىك جەلىسىنە ورنالاستىرعان.
سوتتالۋشى يا. ءوز كىناسىن تولىق مويىنداپ, جاساعان ىسىنە وكىندى. سوت وعان 80 ساعاتتىق قوعامدىق جۇمىستار تۇرىندە جازا تاعايىندادى.