قازاقستاندىق تاعى ءبىر كوركەم تۋىندى حالىقارالىق كينوفەستيۆالدە توپ جاردى, دەپ حابارلايدى Egemen.kz.
ۇلتتىق كينونى قولداۋ مەملەكەتتىك ورتالىعىنىڭ مالىمەتىنشە, «تالاق» ءفيلمى شانحاي كينوفەستيۆالىندە «التىن كۋبوك» الدى.
شانحاي فەستيۆالىنەن جاعىمدى جاڭالىق بار! دانيار سالاماتتىڭ ۇلتتىق كينو ورتالىعىنىڭ قولداۋىمەن تۇسىرگەن «تالاق» ءفيلمى شانحاي فەستيۆالىنىڭ تولىقمەتراجدى فيلم نوميناتسياسىنىڭ «التىن كۋبوگىن» يەلەندى. الەمنىڭ ۇزدىك 14 فيلمىنەن وزىپ, جەڭىمپاز اتانعان شىعارماشىلىق توپتى قۇتتىقتايمىز! - دەلىنگەن مالىمەتتە.
شانحاي فەستيۆالى – «ا» ساناتىنا جاتاتىن ون فەستيۆالدىڭ ءبىرى.
«تالاقتا» باستى ءرولدى ەربولات القوجا سومداعان.