باتىس قازاقستان وبلىسىنداعى تاس جولدا 22 ماۋسىمدا ەكى كولىك سوقتىعىسقان. اپات سالدارىنان ءتورت ادام قازا تاۋىپ, تاعى ەكەۋى زارداپ شەكتى, دەپ حابارلايدى Egemen.kz اقپارات اگەنتتىگى.
جەرگىلىكتى «موي گورود» پورتالى وبلىستىق پوليتسيا دەپارتامەنتىنە سىلتەمە جاساپ جازعانداي, جول اپاتى تاڭەرتەڭ قاراتوبە اۋدانى قوسكول اۋىلىنىڭ ماڭىنداعى سامارا – شىمكەنت اۆتوجولىندا بولعان.
«43 جاستاعى «لادا پريورا» جۇرگىزۋشىسى قارسى قوزعالىس جولاعىنا شىعىپ, «مازدا» كولىگىمەن سوقتىعىسقان. اپات سالدارىنان ەكى جۇرگىزۋشى دە, ەكى جولاۋشى دا سول جەردە قايتىس بولدى. تاعى ەكى جولاۋشى اۋىر دەنە جاراقاتىن الدى», - دەلىنگەن حابارلامادا.
جول-كولىك وقيعاسى فاكتىسى بويىنشا قر قك-ءنىڭ 345-بابى بويىنشا «كولىك قۇرالىن باسقاراتىن ادامنىڭ جول ءجۇرۋ ەرەجەلەرىن بۇزۋى, ابايسىزدا ەكى جانە ودان دا كوپ ادامنىڭ ولىمىنە اكەپ سوقتىرعانى» بويىنشا سوتقا دەيىنگى تەرگەپ-تەكسەرۋ باستالعانى اتاپ ءوتىلدى.