بۇگىن الماتى وندىرىستىك فيليالى جەتىسۋ اۋدانىنداعى جاندوسوۆ كوشەسى 134-ءۇي ماڭىندا تومەن قىسىمدى گاز قۇبىرلارىن ءبىر-بىرىنە شەڭبەرلەپ جالعاۋ جۇمىستارىن جۇرگىزەدى. وسىعان بايلانىستى 21 ماۋسىم كۇنى 99 جەكە ءۇي, 280 كوپقاباتتى ءۇي گازدان ۋاقىتشا (ساعات 12:00-دەن 18:00-گە دەيىن) اجىراتىلادى, دەپ حابارلايدى Egemen.kz «QazaqGaz Aimaq» اق ءباسپاسوز قىزمەتىنە سىلتەمە جاساپ.
وتكەن جىلىتۋ ماۋسىمى كەزىندە «QAZAQGAZ AIMAQ» اق الماتى وندىرىستىك فيليالىنا الماتى قالاسىنىڭ گاز تۇتىنۋشىلارىنان گاز تاراتۋ جەلىلەرىندەگى گاز قىسىمىنىڭ ءالسىز بولعانى تۋرالى حابارلامالار كوپ تۇسكەن. وسىعان وراي, گاز تاسىمالداۋ جۇيەسىنىڭ جۇمىسىن قالىپقا كەلتىرۋ جانە تۇتىنۋشىلاردى «كوگىلدىر وتىنمەن» ۇزدىكسىز جانە قاۋىپسىز قامتاماسىز ەتۋ ءۇشىن, سونداي-اق الداعى جىلىتۋ ماۋسىمىنىڭ تۇراقتى ءوتۋى ءۇشىن گاز ۋاقىتشا وشىرىلەدى.
سونداي-اق الماتى وندىرىستىك فيليالىنا جەكە قۇرىلىس-مونتاجداۋ كومپانيالارىنان جاڭادان سالىنعان ورتاشا قىسىمدى جەرۇستى گاز قۇبىرىن جۇمىس ىستەپ تۇرعان جەرۇستى گاز قۇبىرىنا قوسۋ جۇمىستارىن ورىنداۋ قاجەتتىگى تۋىنداعان. وسىعان بايلانىستى, 25-26 ماۋسىم كۇندەرى بوكەيحانوۆ كوشەسىندە ورنالاسقان 420 جەكە ءۇي, 51 ونەركاسىپتىك مەكەمەسى گازدان ۋاقىتشا اجىراتىلادى.
سونداي-اق جوعارىدا اتالعان جۇمىستارعا قاتىستى 27 ماۋسىم كۇنى كەمەل شاعىناۋدانى جولىمبەت كوشەسىندە 556 جەكە ۇيدە گاز ۋاقىتشا وشىرىلەدى.
جوندەۋ جۇمىستارى اياقتالعان سوڭ گاز بىردەن قوسىلادى. بۇل جۇمىستاردىڭ بارلىعى الداعى جىلىتۋ ماۋسىمىنا دايىندىق اياسىندا, كەستەگە ساي ورىندالادى.
قىرمىزى جۇماعاليقىزى,
ەۇۋ ستۋدەنتى