تاجىكستاندا ورتالىق ازيا ايماعىنداعى ۇجىمدىق جەدەل ارەكەت ەتۋ كۇشتەرىنىڭ قولباسشىلىعىمەن جەدەل جيىن وتكىزۋ بويىنشا شتاب-پاتەر كەلىسسوزدەرى ءوتتى, دەپ حابارلايدى Egemen.kz.
تاجىكستاندا «رۋبەج-2024» واا جەدەل ورىستەتۋ ۇجىمدىق كۇشتەرىنىڭ بولىمشەلەرىمەن بىرلەسكەن وقۋ-جاتتىعۋلار وتكىزۋ جوسپارلانىپ جاتىر. بۇل ماسەلە بويىنشا كەلىسسوزدەر قازاقستان, قىرعىزستان, رەسەي, تاجىكستان ۆەدومستۆولارى مەن ۇقشۇ حاتشىلىعىنىڭ قاتىسۋىمەن ءوتتى.
«شتابتىق كەلىسسوزدەر بارىسىندا ءواو كسر قولباسشىلىعىمەن جەدەل جيىن وتكىزۋ ءتارتىبى جانە وقۋ - جاتتىعۋ جوسپارى, ۇلتتىق كونتينگەنتتەردىڭ كەلۋ مەرزىمى مەن ءتارتىبى, پراكتيكالىق ءىس-قيمىلداردى ۇتىس ويناۋ ءتارتىبى, سونداي-اق جان-جاقتى قامتاماسىز ەتۋدى ۇيىمداستىرۋ ماسەلەلەرى كەلىسىلدى», دەپ حابارلادى ۇقشۇ ءباسپاسوز قىزمەتى.
«رۋبەج-2024» جاتتىعۋىن تاجىكستان قك «حاربمايدون» پوليگونىندا وتكىزۋ جوسپارلانىپ جاتىر. تاجىكستان رەسپۋبليكاسى قارۋلى كۇشتەرىنىڭ «حاربمايدون» پوليگونى انىقتالعان «رۋبەج-2024» وقۋ-جاتتىعۋىن وتكىزۋ اۋدانىنا بارلاۋ جۇرگىزىلدى.