قاراعاندى وبلىسىنىڭ اكىمدىگى تەمىرتاۋدا جۇمىس ىستەيتىن جاستارعا تۇرعىن ءۇي الۋ ءۇشىن جەڭىلدەتىلگەن نەسيە بەرۋگە وتىنىشتەر قابىلدانىپ جاتقانىن حابارلادى, دەپ جازادى Egemen.kz. قۇجاتتار 28 ماۋسىمعا دەيىن قابىلدانادى, دەپ حابارلايدى Egemen.kz.
«تەمىرتاۋ جاستارى» تۇرعىن ءۇي-يپوتەكالىق باعدارلاماسىنا ءوتىنىش 28 ماۋسىمعا دەيىن قابىلدانادى.
باعدارلاماعا 35 جاسقا دەيىنگى ازاماتتار قاتىسا الادى.
سونداي-اق يپوتەكا الۋعا نيەتتى تۇرعىننىڭ جانە ونىڭ وتباسى مۇشەلەرىنىڭ مەنشىگىندە سوڭعى 5 جىل ىشىندە جىلجىمايتىن م ۇلىك بولماۋى كەرەك.
يپوتەكالىق قارىزدىڭ ەڭ جوعارى سوماسى - 15 ملن تەڭگە.
ۇمىتكەرلەردىڭ ەسەپشوتىندا قارىز سوماسىنىڭ كەمىندە 10% مولشەرىندە باستاپقى جارناسى جينالۋى شارت.
وسى تالاپتار ورىندالعان جاعدايدا تۇرعىن ءۇيدى جىلدىق 6%-بەن رەسىمدەۋگە بولادى.
نەسيە مەرزىمى - 8 جىل.
باعدارلاماعا دەنساۋلىق ساقتاۋ, ءبىلىم بەرۋ, مادەنيەت, سپورت جۇيەلەرىنىڭ قىزمەتكەرلەرىنەن, باق, ءوندىرىس, جوو جانە الەۋمەتتىك سالا وكىلدەرىنەن باسقا كۆازيمەملەكەتتىك سەكتوردىڭ كوممۋنالدىق كاسىپورىندارىنىڭ, تجم, جولاۋشىلار كولىك كاسىپورىندارىنىڭ, «وقجەتپەس-ت» جانە «قازپوشتا» كومپانيالارىنىڭ قىزمەتكەرلەرى دە قاتىسا الادى.
تۇرعىن ءۇيدى باستاپقى جانە قايتالاما جىلجىمايتىن م ۇلىك نارىعىندا ساتىپ الۋ قاراستىرىلادى.
ۇمىتكەرلەردەن مىناداي قۇجاتتار سۇرالادى:
جەكە كۋالىك; ازاماتتىق حال-احۋالدى مەملەكەتتىك تىركەۋ تۋرالى كۋالىك (نەكە قيۋ جانە بالالاردىڭ تۋى تۋرالى كۋالىك – بولعان جاعدايدا); ءوتىنىش بەرۋشىگە جانە وتباسىنىڭ بارلىق مۇشەلەرىنە جىلجىمايتىن م ۇلىكتىڭ جوقتىعى تۋرالى انىقتاما; رەسمي بلانكىدە جۇمىس ورنىنان انىقتاما (رەسمي بلانك بولماعان جاعدايدا انىقتامادا ۇيىمنىڭ ءمورى بولۋى ءتيىس); ەڭبەك ءوتىلىن راستايتىن قۇجات; ەڭبەك قىزمەتىنىڭ بارلىق كەزەڭى ءۇشىن زەينەتاقى اۋدارىمدارى تۋرالى ءۇزىندى كوشىرمە; مۇگەدەكتىك تۋرالى انىقتاما (بار بولسا).ايتا كەتەيىك, «تەمىرتاۋ جاستارى» - تەمىرتاۋ قالاسى اكىمدىگى مەن «وتباسى بانكتىڭ» بىرلەسكەن جوباسى. تۇرعىن ءۇي-يپوتەكالىق باعدارلاما 2023 جىلى ىسكە قوسىلدى.