پاۆلوداردان ماسكەۋگە پارادقا باراتىن سوعىس ارداگەرى داۋىس بەردى

پاۆلودار.  26 ءساۋىر. وبلىستا 246 ۇلى وتان سوعىسىنا قاتىسۋشى ارداگەر بار. بۇل تۋرالى egemen.kz ءتىلشىسى حابارلادى. وبلىس ورتالىعىندا تۇراتىن  ميحايل ۆاسيلەۆيچ سمولەنكوۆ ماسكەۋ قالاسىندا  9 مامىردا وتەتىن اسكەري شەرۋگە بارادى. 92 جاستاعى  ارداگەر 18 جاسىندا  مايدانعا اتتانىپ, پولشا, قيىر شىعىستاعى شايقاستارعا قاتىسقان. مايدانگەر بۇگىنگى بەيبىت زاماننىڭ قانداي ەرلىكپەن كەلگەنىن بىلەدى.ول   قالاداعى № 27-ءشى سايلاۋ ۋچاسكەسىنە كەلىپ, تاڭەرتەڭ العاشقىلاردىڭ ءبىرى بولىپ  داۋىسىن بەردى. سايلاۋ ۋچاسكەسىنىڭ توراعاسى بەرىك ماتاەۆ  92 جاستاعى ارداگەردىڭ داۋىس بەرۋگە كەلىپ, تاعى دا ەرلىك جاساعانىن ايتتى. «بۇل ۋچاسكەدە ساعات 9.00-دە 400 دەن استام سايلاۋشى داۋىس بەرىپ ۇلگەرىپتى. داۋىس بەرۋشىلەردىڭ بەلسەندىلىگى جوعارى, كوڭىل كۇيلەرى دە جاقسى. ازاماتتىق پارىزىمدى اتقاردىم», دەيدى مايدانگەر. فاريدا بىقاي. دەرەك, سۋرەت: egemen.kz