اقتاۋلىق ەدگار مامەدوۆ شاحماتتان الماتى قالاسىندا وتكەن ازيا چەمپيوناتىندا التىن مەدال يەلەندى, دەپ حابارلايدى Egemen.kz.
قالا اكىمدىگىنىڭ ءباسپاسوز قىزمەتى 12-19 ماۋسىم ارالىعىندا وتكەن جارىستا ءجاسوسپىرىم «14 جاسقا دەيىنگى» كاتەگوريا بويىنشا سىنعا ءتۇستى. 63 شاحماتشىنى بىلىكتىلىگىمەن باسىپ وزعان ەدگار مامەدوۆ بىلتىر دا جەدەل شاحماتتان (راپيد) ازيا چەمپيوناتىنا قاتىسىپ, ۇزدىك ناتيجە كورسەتكەن. بىراق بيىل ءجاسوسپىرىم كلاسسيكالىق شاحمات بويىنشا باق سىنادى. شاحماتشىنىڭ اناسى گۇلنار مامەدوۆا ۇلىنا قولداۋ كورسەتكەن جاندارعا العىسىن ايتتى.
«چەمپيوناتقا ازيانىڭ 34 ەلىنەن 63 شاحماتشى قاتىستى. بۇل سايىستا دا ەدگار ءوزىنىڭ شەبەرلىگىن كورسەتە ءبىلدى. ۇلىمدى ماقتان تۇتامىن. سايىس قورىتىندىسى بويىنشا التى جەڭىس پەن ءۇش «تەڭ ناتيجە» كورسەتىپ, 9 – دان 7½ ۇپاي جينادى. مەنىڭ ۇلىما ۇنەمى قولداۋ كورسەتىپ وتىراتىن اقتاۋ قالاسى اكىمدىگىنە, ماڭعىستاۋ وبلىستىق دەنە شىنىقتىرۋ جانە سپورت باسقارماسىنا, جاتتىقتىرۋشىلارعا العىسىمدى ايتامىن», دەدى شاحماتشىنىڭ اناسى گۇلنار مامەدوۆا.
قازاقستاننىڭ ون دۇركىن چەمپيونى, الەم چەمپيوناتتارىنىڭ ەكى دۇركىن كۇمىس جۇلدەگەرى جانە ازيا چەمپيونى ەدگار مامەدوۆ وسى جىلى حالىقارالىق شەبەردىڭ ءۇشىنشى نورماسىن ورىنداپ, فيدە رەيتينگىسىن 2405 پۋنكتكە دەيىن كوتەرگەن. سونداي-اق 13 جاسىندا ول گروسسمەيستەردىڭ ءبىرىنشى نورماسىن ورىنداعان.