استانا. 26 ءساۋىر. بۇگىن تاڭەرتەڭ ەلىمىزدە قازاقستان پرەزيدەنتىنىڭ كەزەكتەن تىس سايلاۋ باستالدى. بۇل تۋرالى «قازاقپارات» حابارلادى.
كەشە ورتالىق سايلاۋ كوميسسياسىنىڭ وكىلدەرى ەلدەگى بارلىق سايلاۋ ۋچاسكەلەرىنىڭ داۋىس بەرۋ كۇنىنە دايىن ەكەندىگىن مالىمدەدى.
2015 جىلدىڭ اقپان ايىندا قازاقستان حالقى اسسامبلەياسىنىڭ مۇشەلەرى كەزەكتەن تىس پرەزيدەنت سايلاۋىن وتكىزۋ تۋرالى قر پارلامەنتى ءماجىلىسىنىڭ دەپۋتاتتارىنا ۇندەۋ جولداعان بولاتىن.
«الەمدىك ەكونوميكالىق داعدارىس پەن كۇردەلى حالىقارالىق جاعداي ورىن الىپ وتىرعان تۇستا سايلاۋ وتكىزۋ تۋرالى جالپىحالىقتىق باستامانىڭ كوتەرىلۋى - ۋاقىت تالابى», دەلىنگەن بولاتىن ۇندەۋدە.
«سونىمەن بىرگە, 2016 جىلى پرەزيدەنتتىك جانە پارلامەنتتىك سايلاۋلار ءبىر مەزگىلگە سايكەس كەلەدى. كونستيتۋتسيا نورمالارىن بۇلجىتپاي ورىنداۋ ماقساتىندا ەكى سايلاۋدى ءارتۇرلى كەزەڭدەردە وتكىزگەن ءجون», دەگەن قحا كەڭەسى مۇشەلەرى.
كەزەكتەن تىس سايلاۋ بارىسىن حالىقارالىق ۇيىمداردان جانە شەت مەملەكەتتەردەن 1024 اككرەديتتەلگەن بايقاۋشى باقىلايدى.
رەسپۋبليكا بويىنشا تاڭعى ساعات 7.00-دە بارلىق سايلاۋ ۋچاسكەلەرى اشىلدى.
قۇرىش نۇرىمبەت.
دەرەك, سۋرەت: قازاقپارات.