استانا. 26 ءساۋىر. بۇكىلالەمدىك بوكس سەرياسىندا (WSB) ەل نامىسىن قورعايتىن «استانا ارلاندارى» بيىلعى ماۋسىمدا العاش رەت قارسىلاسىنا ەسە جىبەردى. كەشە تۇندە يتاليا بوكسشىلارىنا قارسى جۇدىرىقتاسقان ولار 2:3 ەسەبىمەن جەڭىلدى. بۇل تۋرالى egemen.kz حابارلادى.
ايقاس يتاليانىڭ بەرگامو قالاسىندا ءوتتى. 69 كگ.-دا باق سىناعان «ارلانىمىز» اسلانبەك شىمبەرگەنوۆ قارسىلاسىنان باسىم تۇسسە, اسا اۋىر سالماقتاعى (+91 كگ.) بوكسشىمىز فيليپپ حرگوۆيچ كەزەكتى رەت نوكاۋتپەن جەڭىسكە جەتتى. ال قالعان ءۇش سپورتشىمىز قارسىلاستارىنا ەسە جىبەرىپ, «استانا ارلاندارى» WSB جوباسىنىڭ بيىلعى ماۋسىمىندا العاش رەت جەڭىلدى.
بۇل – توپتىق كەزەڭدەگى سوڭعى كەزدەسۋ ەكەنىن ايتا كەتەيىك.
«يتاليا تاندەر» – «استانا ارلاندارى» 3:2
52 كگ. گاۋراۆ بيدحۋري – ميراس جاقىپوۆ 2:1 (48:47, 48:47, 45:50).
60 كگ. دوناتو كوزەنتسا – رومان ششەگرينوۆ 3:0 (48:47, 49:46, 48:47).
69 كگ. ادام پاتريك نولان – اسلانبەك شىمبەرگەنوۆ 0:3 (47:48, 46:49, 47:48).
81 كگ. ۆالەنتينو مانفرەدونيا – حرۆوە سەپ 3:0 (49:46, 48:47, 48:47).
+91 كگ. الەسسيو سپاحيۋ – فيليپپ حرگوۆيچ. TKO R2
بۇگىنگە دەيىنگى 13 ماتچتىڭ بارلىعىندا جەڭىسكە جەتكەن مارات جاكيەۆتىڭ شاكىرتتەرى ءوز توبىندا 39 ۇپايمەن ءبىرىنشى ورىن الدى. سونداي-اق, ءبىزدىڭ كوماندانىڭ جارتىلاي فينال جولداماسىن يەمدەنىپ قويعانى بەلگىلى.
ەلامان قوڭىر.
دەرەك: egemen.kz.
سۋرەت: vesti.kz.