«ءال-ءجابردىڭ اتاسى» جۋرنالى وزبەك تىلىندە جارىق كوردى

باسىلىم ۇلتتىق عىلىم اكادەمياسىنىڭ ۆيتسە-پرەزيدەنتى, اكادەميك اسقار جۇمادىلداەۆتىڭ باستاماسىمەن جارىققا شىققانى بەلگىلى. عىلىمي-تانىمدىق  جۋرنال  جارتى جىلدان بەرى قازاق تىلىندە تۇراقتى شىعىپ كەلەدى. ءار ءنومىرى ليتي, عارىش, روبوت سەكىلدى ماڭىزدى عىلىمي تاقىرىپتارعا ارنالعان باسىلىمعا شەتەل وقىرماندارى دا قىزىعۋشىلىق تانىتىپ, وزبەك تىلىندە دە باسىپ شىعارۋ ءىسى قولعا الىنعان بولاتىن.

ء«ال-ءجابر»  – الگەبرا دەگەن ماعىنانى بىلدىرەدى دەسەك, ونىڭ نەگىزىن قالاعان ءال-حورەزمي 1200 جىلداي بۇرىن ارال تەڭىزى ماڭىندا ءومىر سۇرگەن عۇلاما. ورتالىق ازيا حالىقتارىنىڭ ماقتانىشىنا اينالعان عالىمنىڭ ماتەماتيكا عىلىمىنا ەنگىزگەن تەرميندەرى بۇگىنگى تاڭدا كەڭىنەن قولدانىستا.  

ء«بىزدىڭ ماقسات – ۇلى بابالارىمىزدىڭ جولىن جالعاستىرۋ. كەزىندە بۇكىل الەمنىڭ دامۋىنا عالامات ۇلەس قوسقان ەكى عالىم ورتالىق ازيادان شىققان بولسا, سونىڭ ءبىرى – ءال-حورەزمي. عۇلامادان  «الگەبرا جانە الگوريتم» دەگەن ەكى ءسوز قالعان. قاراپايىم تەلەفون, تەلەديدار جانە تەحنيكانىڭ وزگە دە تۇرلەرى اۋەلى الگوريتمنەن قۇرالادى. مەنىڭ بايقاۋىمشا, وقۋ, ءبىلىم, عىلىم جۇيەسى جانە مىنەز-ق ۇلىق جاعىنان وزبەك جانە قازاق جاستارى اراسىندا ۇلكەن ۇقساستىق بار. سول سەبەپتى ء«ال-ءجابردىڭ اتاسىنا» قىزىعۋشىلىق ۇلكەن ەكەنىن بايقادىق», دەيدى اكادەميك اسقار جۇمادىلداەۆ.

بالالار مەن جالپى عىلىمسۇيەر وقىرمانعا ارنالعان جۋرنالدا ورتا جانە جوعارى سىنىپ وقۋشىلارىنىڭ تاپسىرماسى «تاي جارىسى», «قۇنان جارىسى» دەگەن اتاۋمەن بەرىلگەن. جۋرنالدىڭ وزبەكشە نۇسقاسى قازاق تىلىندەگى جۋرنالمەن قاتار جارىق كورىپ تۇراتىن بولادى.

وزبەكستان عىلىم اكادەمياسى جاس عالىمدار كەڭەسى توراعاسىنىڭ ورىنباسارى گۇلسانام تيللاەۆانىڭ ايتۋىنشا, جۋرنالدىڭ وزبەك تىلىندە جارىق كورۋى قازاق-وزبەك عالىمدارى اراسىنداعى ءوزارا ىنتىماقتاستىق پەن دوستىقتىڭ جارقىن كورىنىسى. الداعى ۋاقىتتا جۋرنالدىڭ مازمۇنى تەرەڭدەپ, وقىرمانىن جاڭا بىلىممەن سۋسىنداتا بەرەتىنى انىق.

جۋرنالدىڭ شىعۋىنا قولداۋ كورسەتكەن Qalan Edtech-كومپانياسىنىڭ نەگىزىن قالاۋشىلاردىڭ ءبىرى اسقار بولات اتاپ وتكەندەي, جۋرنال وزىق يدەيالار مەن جەتىستىكتەردى ناسيحاتتايتىن باسىلىم رەتىندە ەلىمىز عانا ەمەس, ماتەماتيكاعا قىزىعۋشىلىق بىلدىرەتىن بارلىق ورتالىق ازيا بالالارىن دا ىنتالاندىرىپ,  ەكى ەل اراسىنداعى عىلىمي بايلانىستىڭ, عىلىم مەن ءبىلىمنىڭ دامۋىنا ىقپال ەتەتىن بولادى.

الماتى