اپاتقا ۇرىندىرعان اسىعىستىق

وبلىستىق پوليتسيا دەپار­تا­مەنتى ءباسپاسوز قىزمەتىنىڭ مالىمەتىنە سۇيەنسەك, جۇر­گىزۋ­شىلەر تاراپىنان كۇرە جولدا جىل­دامدىقتى شامادان تىس اسىرۋ دەرەگى ازايماي وتىر. ماسەلەن, ءتورت ايدا 39 مىڭنان استام جۇرگىزۋشىنىڭ جىلدامدىقتى شەكتەن اسىرعانى تىركەلىپ وتىر. ونىڭ ىشىندە 16 مىڭنان استام جۇرگىزۋشى ساعاتىنا 130-دان 180-گە دەيىنگى جىلدامدىقپەن جۇيتكىگەنى انىقتالىپتى. سونداي-اق 107 جول-كولىك وقيعاسى تىركەلىپ, 23 ادام قازا تاپقان. ال 6 مامىردان بەرى بىرجولاقتى جولدى كەسىپ وتكەن 42 جۇرگىزۋشى 6 ايعا كولىك جۇرگىزۋ قۇقىعىنان ايىرىلعان.

جولدا ءجۇرۋ ەرەجەسىن بۇزۋ­شى­لار قاتارىندا موپەد جۇرگىزۋشىلەر دە بار. قوس دوڭگەلەكتى كولىكتى تىز­گىندەگەندەردىڭ دەنى – جاستار. ءتىپتى كەيبىرىنىڭ قۇجاتى دا جوق. اتىراۋ وبلىستىق جەرگىلىكتى پوليتسيا باسقارماسىنىڭ باسشىسى, پوليتسيا پولكوۆنيگى ەرلان بيعامباەۆتىڭ مالىمەتىنشە, موپەد جۇرگىزۋشىلەرى جىل باسىنان بەرى 371 رەت جول ەرەجەسىن بۇزعان.

«موپەد جۇرگىزۋشىلەرىنىڭ جول ەرەجەسىن بۇزۋ دەرەگىنە تالداۋ جاسالدى. تالداۋعا سايكەس ولاردىڭ باسىم بولىگى جىلدامدىقتى شامادان تىس اسىرادى. الدىنداعى كولىكتى باسىپ وزۋعا ۇمتىلادى. ءتىپتى باعدارشامنىڭ قىزىل تۇسىنە توقتاماي ءوتىپ كەتەدى. وسىنداي سەبەپتەرمەن موپەد جۇرگىزۋشىلەرىنىڭ كىناسىنەن 17 جول-كولىك وقيعاسى تىركەلدى», دەيدى ە.بيعامباەۆ.

پوليتسيا پولكوۆنيگىنىڭ مالىم­­دەۋىنشە, 12 ءجاسوسپىرىمنىڭ قۇجات­سىز موتوكولىكتى جۇر­گىزگەنى انىقتالعان. موتوكولىك جۇرگى­زۋ­شى­لەرى ۇشىراعان جول اپاتىنان 25 ادام ءتۇرلى دەنە جاراقاتىن الىپ, 1 ادام قازا تاپقان.

«ماسەلەن, قىزىلقوعا اۋدا­نىنىڭ مۇقىر اۋىلىندا رۇقسات قۇجاتىنسىز موتوكولىكتى جۇر­گىزگەن 19 جاستاعى ستۋدەنت ءتورت جاسار بالانى قاعىپ قۇلاتقان. باسىنان جاراقات العان بالاقاي اۋرۋحاناعا جەتكىزىلدى. ول ءالى كۇنگە دەيىن دارىگەرلەردىڭ باقىلاۋىندا. ال 17 جاستاعى بوزبالا موپەدپەن 16 جاستاعى بويجەتكەندى قاعىپ, وقيعا ورنىنان قاشىپ كەتتى. پاترۋلدىك پوليتسيا قىزمەتكەرلەرى اتالعان موپەدتىڭ قاي باعىتتا بارا جات­قانىن انىقتاپ, توقتاتۋعا تىرىستى. الايدا ءجاسوسپىرىم زاڭدى تالاپتاردى ورىندامادى. سول سەبەپتەن پاترۋلدىك پوليتسەيلەر ونى ءماجبۇرلى تۇردە توقتاتتى», دەيدى ە.بيعامباەۆ.

پوليتسيا دەپارتامەنتىنىڭ ەرەكشە تاپسىرمالار جونىندەگى اعا ينسپەكتورى امانجول جۇما­ليەۆتىڭ ايتۋىنشا, ءبىر اپتادا 7 جول اپاتى تىركەلگەن. جول-كولىك وقي­عاسىنىڭ سالدارىنان 6 ادام قازا تاۋىپ, تاعى ۇشەۋى اۋىر دەنە جارا­قاتىن العان. ماسەلەن, 16 مامىر ­كۇنى رەسپۋبليكالىق ماڭىزى بار «اتىراۋ – اقتوبە – استراحان» تاسجولىنىڭ 795-شاقىرىمى تۇسىندا «Lexus» اۆتوكولىگى بىرنەشە رەت اۋدارىلعان. بۇعان سەبەپ – 1987 جىلعى جۇرگىزۋشىسىنىڭ رۋلگە يە بولا الماعانى.

ء«دال وسى جول اپاتىنان 3 ادام ءجان­تاسىلىم ەتتى. ەكى جولاۋشى جارا­قات الدى. ال 18 مامىردا اتالعان جولدىڭ 571-شاقى­رىمىندا 61 جاستاعى جۇرگىزۋشىسى «Tank-500» اۆتوكولىگىمەن جاياۋ جۇرگىنشىنى قاعىپ كەتتى. جاياۋ جۇرگىنشى وقيعا ورنىندا كوز جۇمدى. يندەر اۋدانىنىڭ بودەنە اۋىلىندا 16 جاستاعى ءجاسوسپىرىم موتوكولىك جۇرگىزۋشىسى جاياۋ كەلە جاتقان قۇرداسىن قاققان. سالدارىنان ءجاسوسپىرىم وقيعا ورنىندا كوز جۇمدى. ال 19 مامىر كۇنى يندەربور كەنتىندە 37 جاستاعى جىگىت ەسەپتە جوق موتوكولىكپەن كەدەرگىگە سوعىلىپ, قايتىس بولدى», دەيدى ا.جۇماليەۆ.

جۇرگىزۋشىلەردىڭ اراسىندا جول ەرەجەسىن بۇزعانىمەن قوي­ماي, ايىپپ ۇلىن تولەۋدى «ۇمى­تىپ» كەتەتىنى دە بار. سونداي بورىش­كەر­دىڭ ءبىرى 27 مامىردا ۇستالدى.

«كۇندىزگى ساعات 16.20 شاماسىندا جەدەل باسقارۋ ورتا­لى­عىنىڭ قىزمەتكەرلەرى ق.ساتباەۆ-ي.تايمانوۆ كوشە­لە­رى­نىڭ قيى­لى­سىندا «Nissan» اۆتوكولىگىن توق­تات­تى. پاترۋلدىك پوليتسيا باتالونى قىز­مەتكەرلەرىنىڭ تەكسەرۋى كەزىندە كولىك جۇر­گىزۋشىسىنىڭ 3 ملن 771 مىڭ تەڭگە ايىپپ ۇلىن تولەمەي جۇرگەنى انىقتالدى. 46 جاستاعى ازامات كولىك جۇرگىزۋ قۇقىعىنان ايى­رىل­عانىنا قاراماستان, رۋلگە وتىرعان. وعان قاتىستى اكىم­شى­لىك قۇقىق بۇزۋشىلىق تۋرالى كودەكسىنىڭ 612-بابىنىڭ 3-بولى­گى­مەن اكىمشىلىك حاتتاما تولتىرىلدى», دەپ حابار­لادى قالالىق پولي­تسيا باسقارماسىنان.

پوليتسيا قىزمەتكەرلەرى جي­ناق­تالعان ءىس قۇجاتتارىن مامان­دان­دىرىلعان اكىمشىلىك سوتقا جول­دادى. ال اۆتوكولىك ايىپ تۇراعىنا قويىلدى.

اتىراۋ وبلىسى