ابايدى بىلمەك پارىز ويلى جاسقا

10 ماۋسىمدا 8-11 سىنىپ وقۋ­شى­لا­رىن قامتىعان مەرەيتويلىق اباي وقۋ­لارى سەمەي قالاسىندا سالتاناتتى اشىل­دى. مازمۇندى شارادا وقۋ-اعارتۋ مينيسترلىگى ورتا ءبىلىم بەرۋ كوميتەتىنىڭ توراعاسى قانىبەك جۇماشەۆ قاتىسۋ­شى­لارعا ىزگى لەبىزىن ارنادى. سونداي-اق بۇعان دەيىن بايقاۋدىڭ ۇيىمداستىرۋ جۇمىس­ىنا بەلسەنە اتسالىس­قان ءبىلىم, عىلىم جانە ونەر سالاسى­نىڭ مايتالماندارى ماراپاتتالدى. وسىعان دەيىنگى بايقاۋدا توپ جارعان جەڭىمپازدار دا ءىس-شارادان شەت قالمادى.

«اباي وقۋلارى» – وقۋ­شى­لار­دىڭ رۋحاني دامۋىنا ەرەكشە اسەر ەتەتىن ايتۋلى شارا. ەلى­مىز­دىڭ ءار تۇكپىرىنەن كەلگەن جاس دارىنداردىڭ باسىن قوساتىن كيەلى مەكەندە ءار قاتىسۋشى ءسوز ونەرى شىڭىندا سىنالىپ, قابىلەت قارىمىن ارتتىرىپ, تالابىن ۇستەيدى. جاڭا بۋىن وكىلدەرىنىڭ حاكىم مۇراسىنان ءنار الىپ, ۇلاعاتىن ۇعۋعا دەگەن تالپىنىسى اسقاق پوەزيا رۋحىن اسپانداتا تۇسەدى. 2000 جىلدان بەرى وتكىزىلىپ كەلە جاتقان بايقاۋدا اباي جانە شاكارىم شىعارماشىلىعىن قادىر تۇتاتىن 3 مىڭنان اسا جاس وسكىن قابىلەتتەرىن شىڭ­­­­داپ, دارىنىن دالەلدەدى.

11 ماۋسىم كۇنى وبلىستىق كەزەڭ­نەن سۇرىن­بەي ءوتىپ, رەسپۋب­لي­كالىق بايقاۋعا جولداما العان 130-دان استام وقۋشى مەن ۇستاز قاۋىمى ابايدىڭ «جيدە­باي-ءبورىلى» مەملەكەتتىك تاريحي-ما­دە­ني جانە ادەبي-مەموريالدىق مۋزەي-قورىعىنىڭ ءبولىمى بورىلىدەگى م.اۋە­زوۆتىڭ مۋزەي-ۇيىنە, سىرت قاسقا­بۇلاق­تا­عى ابايدىڭ تۋعان جەرىنە ساپار شەگىپ, «ەڭلىك-كەبەك» ەسكەرت­كىشى ماڭىن­داعى تەاترلاندىرىلعان كورىنىستى تاما­شا­لادى. سونىمەن بىرگە اقىننىڭ جيدە­باي­داعى مۋزەي-ۇيىنە تابان تىرەپ, قاراۋىل اۋى­لىن­داعى اباي ەسكەرتكىشىنە گۇل شوعىن قويدى.

12 ماۋسىم كۇنى وقۋشىلار ءبىلىم, عى­لىم, ادەبيەت سالاسىنىڭ بىلىكتى ماماندارىنان قۇرالعان قازىلار القاسى الدىندا «ولەڭ – ءسوزدىڭ پاتشاسى, ءسوز ساراسى», «ابايدىڭ قارا سوزدەرى», «ابايدىڭ اقىن شاكىرتتەرىنىڭ شىعارمالارى», «كوڭىلىم ءاندى ۇعادى», «جۇيرىكتەن جۇيرىك وزار جارىس­قاندا»,ء«سوز ونەرىندەگى ۇلى اباي بەي­نەسى» اتالىمدارى بويىنشا ونەر­لە­رىن كورسەتتى. وقۋشىلار بايقاۋ بارى­سىندا اقىننىڭ ولەڭدەرى مەن پوە­ماسىن, قاراسوزىن جاتقا ايتتى.

جيدەبايداعى «اباي-شاكا­رىم» مە­مو­­ريال­دىق كەشە­نىن­دە تۇيىندەلگەن باي­قاۋ قورى­تىن­دى­سىندا وقۋ-اعارتۋ مينيستر­لىگىنىڭ ديپلومىمەن 47 وقۋشى ماراپاتتالدى. اتاپ ايتساق, I دارەجەلى ديپلوممەن 6 قاتىسۋشى, II دارەجەلى ديپلوممەن 18 قاتىسۋشى جانە III دارەجەلى ديپلوممەن 23 قاتىسۋشى ماراپاتتالدى.

سونداي-اق «ولەڭ – ءسوزدىڭ پاتشاسى, ءسوز ساراسى» اتالىمىندا اباي وبلىسى اتىنان باق سىناعان ارۋجان بولاتحان توپ جارسا, «ابايدىڭ قارا سوزدەرى» اتالىمىندا جەتىسۋ وبلىسىنىڭ ءۇمىتىن ۇكىلەگەن اياجان سارسەنباي ۇزدىك دەپ تانىلدى. سونىمەن بىرگە «ابايدىڭ اقىن شاكىرتتەرىنىڭ شىعار­مالارى» اتالىمىن قارا­عاندى وبلىسىنىڭ ويلى وعلانى يزات نۇرعاسىر جەڭىپ السا, «كوڭىلىم ءاندى ۇعادى» اتالى­مىن­دا نازارباەۆ زياتكەرلىك مەكتە­بىنىڭ تالانتتى وقۋشىسى سىرسۇڭقار بازارباي ۇلىنىڭ باعى جاندى. «جۇي­رىك­تەن جۇيرىك وزار جارىسقاندا» اتالىمىندا پاۆلودار وبلىسىنان كەلگەن ەركەبۇلان تىلەنىش جەڭىمپاز اتانسا, ء«سوز ونەرىندەگى ۇلى اباي بەينەسى» اتالىمىندا جانيا وتار ءى ورىندى يەلەندى.

جۇلدەگەرلەردىڭ ءبارى «دا­رىن» رەس­پۋبليكالىق عىلىمي-پراك­تي­كا­لىق ورتالىعى تاعايىنداعان با­عالى سىيلىقتارمەن ماراپاتتالدى.

اباي وبلىسى