قوستاناي وبلىسىنىڭ قۇتقارۋشىلارى جولاۋشىلار اۆتوبۋسىندا تۇتانعان جالىندى ءسوندىردى, دەپ حابارلايدى Egemen.kz توتەنشە جاعدايلار مينيسترلىگىنىڭ ءباسپاسوز قىزمەتىنە سىلتەمە جاساپ.
قوعامدىق كولىكتىڭ قوزعالتقىش بولىگى ورتەنگەنى انىقتالدى.
زارداپ شەككەندەر جوق. الدىن الا 20 جولاۋشى ەۆاكۋاتسيالاندى.
ءورتتىڭ شىعۋ سەبەبى انىقتالىپ جاتىر.
«توتەنشە جاعدايلار مينيسترلىگى ازاماتتاردى ساق بولۋعا شاقىرادى. جولدا كولىگىڭىز ورتەنە باستاسا, كولىكتى دەرەۋ توقتاتىپ, شىعىپ كەتۋدى سۇرايمىز», دەپ ەسكەرتتى قۇتقارۋشىلار.