ماحامبەت اۋدانى اكىمى قايرات نۇرلىباەۆ تاسقىنعا بايلانىستى احۋال تۇراقتانعانىن مالىمدەدى, دەپ حابارلايدى Egemen.kz اتىراۋ وبلىسىنىڭ تج جونىندەگى جەدەل شتابىنا سىلتەمە جاساپ.
«كۇن سايىن سۋ دەڭگەيى 2-3 سانتيمەتردەن ءتۇسىپ كەلە جاتىر. قازىرگى ۋاقىتتا 4-5 اۋىلدا قاۋىپ بار. اتاپ ايتقاندا, تالدىكول, العا, سارايشىق, تاڭداي, ەڭبەكشىل اۋىلدارىندا كەزەكشىلەر تاۋلىك بويى جاعدايدى باقىلاپ وتىر. قورعانىس بوگەتتەرى اۋىلداردى سۋ باسۋدان قورعاپ تۇر», دەدى اۋدان اكىمى.
ايتا كەتسەك, ماحامبەت اۋدانىندا جايىقتى جاعالاي ورنالاسقان 17 ەلدى مەكەن بار. تاسقىننىڭ الدىن الۋ ماقساتىندا 100 شاقىرىمنان استام بوگەت سالىندى. ماحامبەت اۋدانىنداعى سۋ دەڭگەيى 9 مەتر, 77 سانتيمەتردى كورسەتىپ تۇر. ماحامبەت اۋدانى بويىنشا قاۋىپتى سۋ دەڭگەيى - 8 مەتر, 50 سم.