كولىكتەگى سانيتارلىق-ەپيدەميولوگيالىق باقىلاۋ دەپارتامەنتى پويىزدار مەن ۇشاقتاردا گيگيەنالىق نورمالاردىڭ بۇزىلۋى تۋرالى قالاي جانە قايدا حابارلاۋ كەرەگىن ايتتى, دەپ حابارلايدى Egemen.kz.
ءوتىنىشسىز ورگاندار تەكسەرۋدى باستاي المايدى.
- سانيتارلىق ەرەجەلەردى بۇزۋشىلىقتار, سونىڭ ىشىندە جاندىكتەر, كەمىرگىشتەر انىقتالعان جاعدايدا, بۇل تۋرالى جولسەرىككە نەمەسە ستيۋاردەسساعا دەرەۋ حابارلاڭىز جانە بۇزۋشىلىقتى جويۋدى تالاپ ەتىڭىز. ءوز بەتىڭىزشە ارەكەت ەتۋگە تىرىسپاڭىز. كاسىبي ماماندارعا سەنىڭىز-ولار دايىندالعان. بۇل ماسەلەنى شەشۋ جانە ءسىزدىڭ جايلىلىعىڭىز بەن قاۋىپسىزدىگىڭىزدى قامتاماسىز ەتۋ بويىنشا جەدەل شارالار قابىلداۋعا مۇمكىندىك بەرەدى. كوپتەگەن بۇزۋشىلىقتار سول جەردە جويىلادى, - دەپ اتاپ ءوتتى دەپارتامەنتتە.
ەگەر بۇزۋشىلىق جويىلماسا نەمەسە ازامات وقيعا تۋرالى ۋاكىلەتتى ورگاندارعا حابارلاۋدى قاجەت دەپ ساناسا, كولىكتەگى سسەك-كە ءوتىنىش جىبەرۋگە بولادى. وتىنىشتە تاسىمالداۋشىنىڭ اتاۋىن, بايلانىس دەرەكتەرىن, جول ءجۇرۋ بيلەتىن كورسەتۋ, سونداي-اق دالەلدەمەلەردى ۇسىنۋ قاجەت: فوتو, اۋديو نەمەسە ۆيدەو.
ءوتىنىشتى قالاي بەرۋگە بولادى:
ء"وتىنىش بەرۋ" قىزمەتىن تاڭداپ, e-Otinish پورتالى ارقىلى;
ەەلەكتروندىق پوشتا ارقىلى dsekt@dsm.gov.kz مەكەنجايىنا جىبەرۋ ارقىلى;
قاراۋ مەرزىمى - 15 جۇمىس كۇنى, بىراق سوزىلۋى مۇمكىن.