باس رەداكتورلار كلۋبىنىڭ باسقارما مۇشەلەرى سايلاندى

كلۋب جەتەكشىسى باسقوسۋعا قاتىسقان ارىپتەستەرىنىڭ ساۋالىنا جاۋاپ بەرە وتىرىپ, بۇعان دەيىن جۇزەگە اسقان ىرگەلى جۇمىستارعا توقتالدى. سونداي-اق ۇيىمنىڭ جۇمىسىن جەتىلدىرۋگە قاتىستى جوسپارلانىپ وتىرعان ىلكىمدى جوبالاردى اتاپ ءوتتى. سونىمەن قاتار جيىندا «Abai tv» تەلەارناسىنىڭ ديرەكتورى ەركىن مۇحامەدجانوۆ, «Halyq Uni Media» مەدياحولدينگىنىڭ ديرەكتورى رينات كەرتاەۆ, «QRNews.kz» اقپارات اگەنتتىگىنىڭ باس ديرەكتورى نۇربول تولەباەۆ ءسوز سويلەپ, كلۋب جۇمىسىنا قاتىستى وي-پىكىرىن ورتاعا سالدى.

كەزدەسۋ سوڭىندا قوعامدىق بىرلەستىكتىڭ جاڭا قۇرامداعى باسقارما مۇشەلەرى جانە جاڭا مۇشەلەرى تانىستىرىلدى.

«باس رەداكتورلار كلۋبى» قوعامدىق بىرلەستىگىنىڭ جاڭا قۇرامداعى باسقارما مۇشەلەرى – ۆيتسە پرەزيدەنتتەرى:

مۇراتبەك توقتاعازين – رەسپۋبليكالىق «ادىلەت.رۋحاني جاڭعىرۋ» گازەتىنىڭ باس رەداكتورى, پروفەسسور; رينات كەرتاەۆ - «Halyq Uni Media» مەدياحولدينگىنىڭ ديرەكتورى; قامبار احمەتوۆ– جۋرناليست, «قازاق گازەتتەرى» جشس باس ديرەكتورىنىڭ ورىنباسارى; مارات باشيموۆ – قوعام قايراتكەرى, «چەلوۆەك ي زاكون» گازەتىنىڭ باس رەداكتورى, پارلامەنتى ءماجىلىسىنىڭ دەپۋتاتى; نۇربول تولەباەۆ – «QRNews.kz» اقپارات اگەنتتىگىنىڭ باس ديرەكتورى, Phd.

كلۋبتىڭ جاڭا مۇشەلەرى:

يلحام يبراگيم - «7 ارنا» باس ديرەكتورى;

جايناگۇل تولەمىس - «حابار» تەلەارناسىنىڭ ديرەكتورى;

جاسىن بىركەنوۆ -  «24KZ» تەلەارناسىنىڭ ديرەكتورى;

ناعاشىبەك الدان - «قازاقپارات» اا باس رەداكتورى;

نۇربول تولەباەۆ - QRNews اقپاراتتىق اگەنتتىگىنىڭ باس ديرەكتورى;

زارينا قۋاتوۆا - «تاراز 24» تەلەارناسىنىڭ ديرەكتورى.

«باس رەداكتورلار كلۋبى» قوعامدىق بىرلەستىگىنىڭ اتقارۋشى ديرەكتورى بولىپ جۋرناليست, مەديامەنەدجەر بيبىگۇل قۇلامان بەكىتىلدى.

«باس رەداكتورلار كلۋبى» – 2007 جىلى قۇرىلعان جانە قۇرامىنا قازاقستاننىڭ 300-دەن استام بۇقارالىق اقپارات قۇرالدارىنىڭ باس رەداكتورلارى مەن جەتەكشىلەرى كىرەتىن ەرىكتى قوعامدىق بىرلەستىك.

 

قىرمىزى جۇماعاليقىزى,

ەۇۋ ستۋدەنتى