سەناتتىڭ اگرارلىق ماسەلەلەر, تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنىڭ دەپۋتاتتارى ەلورداداعى قايتالاما شيكىزاتتى قايتا وڭدەۋ كاسىپورىندارىندا بولدى, دەپ جازادى Egemen.kz.
سەناتورلار ساپار بارىسىندا قايتالاما شيكىزاتتى وڭدەۋمەن اينالىساتىن جانە سكوتچ اتالاتىن جابىسقاق تاسپا دايىنداۋعا ماماندانعان «مارقاتاي» جشس-ءنىڭ وندىرىسىمەن تانىستى. كاسىپورىندا قايتا وڭدەلگەن ماتەريالدار بەلسەندى قولدانىلاتىنى جانە ونەركاسىپتە, تۇرمىس پەن كەڭسەدە پايدالانۋعا ارنالعان ونىمدەر شىعارىلاتىنى تۋرالى ايتىلدى. سەنات دەلەگاتسياسىنىڭ مۇشەلەرى ساپار بارىسىندا كاسىپورىندا قولدانىلاتىن تەحنولوگيالىق پروتسەستەردى ەگجەي-تەگجەيلى زەردەلەدى جانە ءوڭىردىڭ ەكونوميكالىق دامۋى مەن ەكولوگيالىق تۇراقتىلىعىنا وسىنداي ءوندىرىستىڭ ماڭىزدىلىعىن اتاپ ءوتتى.
پارلامەنتشىلەر سونداي-اق «Ecomaf» جانە «بىرىڭعاي شوعىرلاندىرۋ ورتالىعى» كاسىپورىندارىندا بولدى. «Ecomaf» كومپانياسىندا قالالىق جانە جەكە اۋماقتاردى اباتتاندىرۋعا ارنالعان باۋ-باقشا جيھازدارى مەن شاعىن ساۋلەت نىساندارى جاسالادى. دەپۋتاتتار ەكىنشى كاسىپورىندا ءوندىرىس تىزبەگىن كورىپ شىقتى جانە ونىڭ يننوۆاتسيالىق تەحنولوگيانى دامىتۋ مەن ءونىمنىڭ قاۋىپسىزدىك دەڭگەيىن ارتتىرۋعا قوسقان ۇلەسىنە توقتالدى. وندىرىستە قايتالاما شيكىزاتتى پايدالانۋ مەن زاماناۋي ەكولوگيالىق قاۋىپسىز شەشىم قابىلداۋعا ەرەكشە نازار اۋدارىلاتىنى ايتىلدى.
ساپار اياسىندا كاسىپورىندار باسشىلىعىمەن كەزدەسۋلەر بولدى جانە وندا اعىمداعى جەتىستىكتەر مەن بولاشاق دامۋ جوسپارلارى تالقىلاندى. دەپۋتاتتار ماڭىزدى باستامالارعا زاڭنامالىق دەڭگەيدە جان-جاقتى قولداۋ كورسەتۋگە دايىن ەكەندىكتەرىن ءبىلدىردى. ساپار «تۇرمىستىق قاتتى قالدىقتار جانە ولاردى كادەگە جاراتۋ پروبلەمالارى. ءوندىرۋشىنىڭ كەڭەيتىلگەن مىندەتتەمەلەرى جۇيەسىن ودان ءارى جەتىلدىرۋ ماسەلەلەرى» تاقىرىبىنا ارنالعان دوڭگەلەك ۇستەل وتكىزۋ اياسىندا ۇيىمداستىرىلدى.