• RUB:
    6.68
  • USD:
    520.93
  • EUR:
    609.07
باستى سايتقا ءوتۋ
وقيعا 11 ماۋسىم, 2024

الماتىدا اكىمدىك پەن پرەزيدەنت رەزيدەنتسياسىنا شابۋىل جاساعاندار سوتتالدى

120 رەت
كورسەتىلدى

الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى جاپپاي تارتىپسىزدىكتەرگە, كۇزەتىلەتىن وبەكتىلەرگە شابۋىل جاساۋ جانە ولاردى باسىپ الۋ, سونداي-اق بيلىك وكىلدەرىنە كۇش قولداندى دەپ ايىپتالعان 11 سوتتالۋشىعا قاتىستى قىلمىستىق ءىستى قارادى, دەپ حابارلايدى Egemen.kz سوتتىڭ Telegram پاراقشاسىنا سىلتەمە جاساپ.

سوت ايىپتالۋشىلاردىڭ 2022 جىلدىڭ 4-5 قاڭتارىندا الماتى قالاسىندا بولعان جاپپاي تارتىپسىزدىكتەرگە قاتىسقانىن انىقتادى. ولار كۇزەتىلەتىن نىساندارعا: قالالىق اكىمدىككە, پرەزيدەنت رەزيدەنتسياسىنا جانە پوليتسيا عيماراتىنا زاڭسىز كىرگەن.

«سوتتالۋشىلاردىڭ قىلمىستىق ارەكەتتەرى م ۇلىكتىڭ جويىلۋىنا بايلانىستى اۋىر زارداپتارعا اكەلدى. بۇل رەتتە ءۇش سوتتالۋشى تارتىپسىزدىك بارىسىندا قوعامدىق ءتارتىپ ورناتۋ جونىندە شارالار قابىلداعان اسكەري قىزمەتشىلەر مەن قۇقىق قورعاۋ ورگاندارىنىڭ قىزمەتكەرلەرىنە قاتىستى زورلىق-زومبىلىق كورسەتتى. سوتتالۋشىلاردىڭ ءبىرى ەكى اسكەري كۋرسانتتى كەپىلگە الىپ, ولارعا جەڭىل دەنە جاراقاتىن سالدى», دەلىنگەن سوت حابارلاماسىندا.

ايىپتالۋشىلار تاعىلعان ايىپتى جارتىلاي مويىندادى. راقىمشىلىق جاساۋ تۋرالى زاڭدى پايدالانىپ, 10 ايىپتالۋشىنىڭ ارقايسىسى 1 جىل 9 ايعا, بىرەۋى 4 جىلعا باس بوستاندىعىنان ايىرىلدى.

ۇكىم زاڭدى كۇشىنە ەنگەن جوق.

 

 

قىرمىزى جۇماعاليقىزى,

ەۇۋ ستۋدەنتى

سوڭعى جاڭالىقتار