بۋداپەشتە بۇيىرعان التى جۇلدە

كەلەسى كۇنى بوزكىلەمگە شىققان ازامات داۋ­­لەتبەكوۆتىڭ جولى بول­­مادى. 86 كگ سالماقتا سىن­عا تۇس­كەن ول وليمپيادا مەن الەم چەمپيوناتىنىڭ, ەۋروپا ويىن­دارىنىڭ قولا جۇلدەگەرى البانيالىق مايلز امين مەن رۋمىنيالىق پاتريك پۋەس­پوەكيدى ۇتقا­نى­مەن, شيرەك فينالدا يراننىڭ داڭقتى پەحلەۆانى حاسان ياز­دانيگە جول بەردى. ال قولا مەدال ءۇشىن باسەكەدە ازاماتتىڭ جا­پونيالىق حاياتو يشيگۋروعا ءالى جەتپەدى.

ەركىن كۇرەستەن وتكەن جارىس­تىڭ جەڭىمپازدارى: 57 كگ – رەي حيگۋچي (جاپونيا), 61 كگ – ارسەن حارۋتۋنيان (ارمەنيا), 65 كگ – كوتارو كيۋووكا (جاپونيا), 70 كگ – ارمان اندرەاسيان (ارمە­نيا), 74 كگ – رازامبەك جامالوۆ (وزبەكستان), 79 كگ – وتاري با­گاۋري (گرۋزيا), 86 كگ – حاسان ياز­داني (يران), 92 كگ – ميرياني مايسۋرازدە (گرۋزيا), 97 كگ – الى­شەر ەرعالي (قازاقستان), 125 كگ ماسون پارريس (اقش).

ايەلدەر كۇرەسىنىڭ حاس شە­بەرى ءجاميليا باقبەرگەنوۆا ءوزىنىڭ ۇيرەنشىكتى 72 كگ سال­ماق دارەجەسىنە قايتا ورالىپ, اتالعان تۋرنيردە قارسىلاس­تارىنىڭ بارلىعىنان باسىم ءتۇس­تى. ناتيجەسىندە, التىننان القا تاقتى. ءدال وسى سا­ل­ماقتاعى گۇلمارال ەركە­باەۆا قولا مە­دال­دى موينىنا ءىلدى. ال ەمما تيسينا مەن مارينا سەدنەۆا (55 كگ) جانە يرينا كازيۋلينا (65 كگ) ەلگە قۇر­الاقان قايتتى.

ايەلدەر كۇرەسىنەن وتكەن جارىستىڭ جەڭىمپازدارى: 50 كگ – زەگي فەنگ (قىتاي), 53 كگ – ەمما مالمگرەن (شۆەتسيا), 55 كگ – يوۆيتا ماريا ۆجەسەن (پول­شا), 57 كگ – كەحين حونگ (قىتاي), 59 كگ – الينا فيليپوۆيچ (ۋكراي­نا), 62 كگ – انا پاۋلا گون­زالەس (كانادا), 65 كگ – يرينا بوندار (ۋكراينا), 68 كگ – بۋسە توسۋن (تۇركيا), 72 كگ – ءجاميليا باق­بەرگەنوۆا (قازاقستان) جانە 76 كگ  تاتيانا رەنتەريا (كولۋمبيا).

گرەك-ريم كۇرەسىنەن وتكەن جارىستا ايدوس سۇلتانعالي (60 كگ), دەمەۋ جادىراەۆ (77 كگ), نۇرسۇلتان تۇرسىنوۆ پەن ءشامىل وجاەۆ (86 كگ) جانە ءالىم­حان سىزدىقوۆ (130 كگ) سىندى بالۋانداردىڭ ونەرىن تاما­شالادىق. الەم چەمپيوناتىنىڭ ەكى دۇركىن قولا جۇلدەگەرى دەگەن اتاعى بار ايدوس العاشقى اينالىمدا وپىق جەدى. جەرلەسىمىز وڭتۇستىك كورەيانىڭ بالۋانى كيم داۋحۋننان ۇتىل­دى. دۇنيەجۇزىلىك دودانىڭ ءفي­ناليسى دەمەۋ جادىراەۆ الەم چەمپيوناتىنىڭ ەكى دۇركىن كۇمىس جۇلدەگەرى, ەۋروپا چەمپيو­نى, ازەربايجاندىق سانان سۋلەي­مانوۆتىڭ وسال تۇسىن تابا المادى.

86 كگ سالماق دارەجەسىندە سىنعا تۇسكەن ساقا سپورت­شى­مىزدىڭ ەكەۋى دە جەڭىس تۇ­عىرىنا كوتەرىلە العان جوق. تۇركيالىق ءالي چەن­گيز شامىلگە شاڭ قاپ­تىرىپ كەتسە, نۇرسۇلتان 2023 جىلعى الەم چەمپيونى, ما­جار­ستاندىق داۆيد لوشونتسيگە جول بەردى. ال ءالىمحان سىزدىقوۆ «شۋ» دەگەننەن تۇر­كيانىڭ تار­لانى امين گەننيچيدەن ۇتىلدى.

گرەك-ريم كۇرەسىنەن وتكەن جارىستىڭ جەڭىمپازدارى: 55 كگ – ەلدەنيز ءازيزلي (ازەربايجان), 60 كگ – پريدون ابۋلادزە (گرۋز­ي­يا), 63 كگ – مۇرات مامادوۆ (ازەر­­بايجان), 67 كگ – لۋيس ال­بەرتو سانچەس (كۋبا), 72 كگ – حاسرات جا­فاروۆ (ازەربايجان), 77 كگ – ناو كۋساكا (جاپونيا), 82 كگ – ەريك سيلۆاشي (ما­جار­ستان),  87 كگ – سەمەن نوۆي­كوۆ (بولگاريا), 97 كگ – مۇحام­ماد­­حادجي ساراۆي (يران) جانە 130 كگ فاردين حەيداياتي (يران).