ابايتانۋداعى ەرەكشە دۇنيەلەردىڭ ءبىرى – اقىننىڭ قولدان سالعان سۋرەتى. بۇگىنگى كۇنگە دەيىن حاكىم تۇلعاسىن ايعاقتايتىن 1896 جىلى جانە 1903 جىلى تۇسىرىلگەن ناقتى ەكى فوتوسۋرەتى ساقتالعان. بۇعان قوسا ونىڭ كوزى تىرىسىندە 1887 جىلى قارىنداشپەن سالىنعان پورترەتىن ايتۋعا بولادى. ونىڭ اۆتورى – اۋەسقوي سۋرەتشى پ.د.لوبانوۆسكي.
پاۆەل دميتريەۆيچ رەسەي پاتشا ۇكىمەتىنەن ساياسي قۋعىن-سۇرگىن كورىپ, 1884 جىلى تامىز ايىندا سەمەي قالاسىنا جەر اۋدارىلىپ كەلىپ, جازاسىن وتەيدى. العاشقىدا وسكەمەن ۋەزىندە ايداۋدا جۇرەدى. سەمەيگە كەلگەننەن كەيىن ساياسي ءىستى بولعاندارمەن تانىسىپ, اباي (يبراگيم) قۇنانباي ۇلى تۋرالى بىلەدى. اينالاسىنداعى تۋىس-جاقىندارىنىڭ بەينەسىن قاعازعا ءتۇسىرىپ جۇرگەن سۋرەتشى اقىنمەن تانىستىقتان كەيىن ونىڭ پورترەتىن سالۋعا كىرىسەدى.
1887 جىلى سالىنعان پورترەتتە «يبراگيم قۇنانباەۆ – سەمەي ۋەزى, شىڭعىس بولىسىنىڭ قازاعى. قازاق دالاسىنا ەرەكشە بەلگىلى قۇنانباي وسكەنباەۆتىڭ (ول 1886 جىلى ولگەن) بالاسى. ءوزى دە جەتكىلىكتى مولشەردە ايگىلى ادام. ءوز حالقىنىڭ ادەت-عۇرپىنىڭ بىلگىرى. قازاقتار اراسىندا ۇلكەن ىقپال يەسى. قىرىق بەس جاستا» دەگەن جازۋ بەدەرلەنگەن.
«سەمەي ۋەزىندەگى ادامداردىڭ تيپتەرى» دەپ اتالاتىن ارنايى سەريا جەتى سۋرەتتەن تۇرادى. وسى سەرياعا كىرەتىن ابايدىڭ قىرىق ەكى جاسىنداعى بەينەسى اباي مۋزەيىنىڭ اسىل قورىنداعى ەلەۋلى ەكسپوناتتار تىزىمىندە.
اباي وبلىسى