توتەنشە جاعدايلار دەپارتامەنتى «قازگيدرومەتتىڭ» داۋىلدى ەسكەرتۋىنە بايلانىستى قالا تۇرعىندارىن تاۋعا شىققاندا ءورت قاۋىپسىزدىگى ەرەجەلەرىن ساقتاۋعا شاقىردى, دەپ حابارلايدى Egemen.kz.
«توتەنشە جاعدايلار قىزمەتى 10 ماۋسىم مەن 11 ماۋسىم ارالىعىندا 35-36 گرادۋسقا دەيىن ىستىق بولاتىن داۋىلدى ەسكەرتۋگە بايلانىستى الماتى تاۋلى ايماقتارىنا كەلۋشىلەردى وت جاقپاۋدى جانە تەمەكى تۇقىلىن تاستاماۋدى, سونداي-اق بالالاردى سۋ ايدىندارىنىڭ جانىندا قاراۋسىز قالدىرماۋدى سۇرايدى», دەلىنگەن توتەنشە جاعدايلار دەپارتامەنتىنىڭ حابارلاماسىندا.
وبلىستا IV دارەجەلى ءورت قاۋىپتىلىگى جوعارىلاعانى اتاپ ءوتىلدى.
سونداي-اق قالالىق توتەنشە جاعدايلار دەپارتامەنتى تاۋلى جانە ورماندى اۋماقتارعا بارعان كەزدە ءورت قاۋىپسىزدىگى ەرەجەلەرىن ساقتاۋدى, سونىڭ ىشىندە اس ازىرلەۋ ءۇشىن باربەكيۋ مەن باسقا دا قۇرالداردى پايدالانۋدى, تەمەكى شەگۋگە جانە جانىپ جاتقان زاتتاردى لاقتىرۋعا تىيىم سالۋدى, بالالاردى قالانىڭ سۋ ايدىندارىندا قاراۋسىز قالدىرماۋدى ەسكەرتەدى.
ورمانداعى ءورت قاۋىپسىزدىگى تالاپتارىن جانە سانيتارلىق ەرەجەلەردى بۇزعانى ءۇشىن جەكە تۇلعالارعا 100 اەك (369 200 تەڭگە), لاۋازىمدى تۇلعالارعا, شاعىن كاسىپكەرلىك سۋبەكتىلەرىنە نەمەسە كوممەرتسيالىق ەمەس ۇيىمدارعا 250 اەك (923 000 تەڭگە) مولشەرىندە ايىپپۇل سالىنادى.