سىبايلاس جەمقورلىققا قارسى ءىس-قيمىل اگەنتتىگى قر قپك 550-بابىنا سايكەس باس پروكۋرورمەن كەلىسىلگەن سوتقا دەيىنگى تەرگەۋ شەڭبەرىندە ماڭعىستاۋ وبلىسىنىڭ قىلمىستىق ىستەر جونىندەگى اقتاۋ قالالىق سوتىنىڭ توراعاسىن ۇستادى, دەپ حابارلايدى Egemen.kz.
«ول سەنىمدى ادامى – اقتاۋ قالاسىنىڭ تۇرعىنى ارقىلى سوتتالۋشىدان وعان قاتىستى باس بوستاندىعىنان ايىرۋدان باسقا جازاعا ۇكىم شىعارۋ سىلتاۋىمەن 18 ملن تەڭگە كولەمىندە اقشالاي قاراجات العان. جوعارىدا اتالعان قىلمىسقا قاتىسۋشى ۇستالىپ, اقتاۋ قالاسىنىڭ تەرگەۋ يزولياتورىنا قامالدى», دەپ جازىلعان حابارلامادا.
قىلمىستىق-پروتسەستىك كودەكستىڭ 201-بابىنا سايكەس وزگە اقپارات جاريا ەتۋگە جاتپايدى.
سونىمەن قاتار اگەنتتىكتىڭ ءباسپاسوز قىزمەتى كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكستىڭ 19-بابى 1-بولىگىنە سايكەس, قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەتىنىن ەسكە سالدى.