الماتى. 25 ءساۋىر. قازاق مەملەكەتتىك اكادەميالىق دراما تەاترىنىڭ ديرەكتورى اۋىستى. بۇگىن تاڭەرتەڭ استانادان مادەنيەت جانە سپورت ءمينيسترىنىڭ ورىنباسارى عالىم احمەدياروۆ كەلىپ, تەاتر ديرەكتورى ەركىن جۋاسبەكتى قىزمەتىنەن بوساتىپ, ونىڭ ورنىنا اكتەر ەرلان ءبىلالدى وتىرعىزدى. بۇل تۋرالى «دالا مەن قالا» حابارلادى.
سايلاۋعا ءبىر كۇن قالعاندا مۇنداي شەشىم قابىلداۋعا نە تۇرتكى بولعانى بەلگىسىز. كەشە عانا تۋعان كۇنىن تويلاپ, ەلۋدىڭ ەڭسەسىنە شىققان ەركىن جۋاسبەكتىڭ قانداي قىزمەتكە باراتىنى دا بەلگىسىز.
تەاتردىڭ جاڭا باسشىسى بولىپ كەلىپ جاتقان ەرلان ءابدىلدا ۇلى ءبىلال - قازاقستاننىڭ ەڭبەك سىڭىرگەن قايراتكەرى, قازاقستان جاستار وداعى سىيلىعى لاۋرەاتى
ە.ءبىلال 1971 جىلى الماتى وبلىسى, رايىمبەك اۋدانى, تەكەس اۋىلىندا تۋعان. 1993 جىلى قازاق مەملەكەتتىك ت.جۇرگەنوۆ اتىنداعى تەاتر-كينو ينستيتۋتىن (قازىرگى ونەر اكادەمياسى) تەاتر-كينو اكتەرى ماماندىعى بويىنشا بىتىرگەن. وسى جىلى م.اۋەزوۆ تەاترىنىڭ اكتەرلىك توبىنا قابىلداندى.
2011 جىلدىڭ 12 قىركۇيەگىنەن باستاپ تەاتر ديرەكتورىنىڭ ورىنباسارى بولىپ كەلدى.
تالعات ءسۇيىنباي.
دەرەك, سۋرەت: دالا مەن قالا.