استانا. 25 ءساۋىر. قازاقستان پرەزيدەنتى سايلاۋىنا باقىلاۋشى رەتىندە ايگىلى مانەرلەپ سىرعاناۋشى يرينا رودنينا مەن اتاقتى حوككەيشى ۆلاديسلاۆ ترەتياك قاتىسادى. بۇل تۋرالى Today.kz حابارلادى.
اگەنتتىكتىڭ مالىمەتىنشە, «مۋز-تۆ» باس ديرەكتورى ارمان داۋلەتياروۆ قازاقستان پرەزيدەنتى سايلاۋىنا باقىلاۋشى بولىپ قاتىسۋ ءۇشىن استاناعا رەسەيدىڭ ەكى اتاقتى سپورتشىسى كەلگەلى جاتقانىن ايتقان.
«رەسەيدە تۇراتىندىعىما قاراماستان, مەن جانىممەن قازاقپىن. مەنىڭ تاريحي وتانىم وسىندا. بۇدان ءبىر اي بۇرىن مەن قازاقستانعا پرەزيدەنت سايلاۋىنا باقىلاۋشى بولۋ ءۇشىن شاقىرىلدىم. بۇل مەن ءۇشىن وتە جاعىمدى جاڭالىق بولدى», - دەدى ول.
ءوزىنىڭ سوزىندە ارمان سايلاۋدا رەسەي بوكسشىسى نيكولاي ۆالۋەۆتىڭ دە باقىلاۋشى بولاتىنىن جەتكىزدى.
«ماعان انىق ءبىر نارسە, نيكولاي – كەرەمەت بوكسشى. بۇعان قوسا, ول ساياساتتى دا جاقسى تالداي بىلەدى, ەگەر قاتەلەسپەسەم, رف مەملەكەتتىك دۋماسىندا قىزمەت تە اتقارادى», - دەدى «مۋز-تۆ» باس ديرەكتورى.
سايلاۋعا كەلەتىن باسقا دا تانىمال سپورتشىلار تۋرالى ايتقاندا, ارمان داۋلەتياروۆ وندايلاردىڭ وتە كوپ ەكەنىن تىلگە تيەك ەتتى.
«مەن سول ءتىزىمدى كوردىم. ولاردىڭ دەڭگەيلەرى وتە جوعارى ەكەنىن دە ايتا الامىن. سونىڭ ىشىندە مەنىڭ بىلگەنىم, بۇل تىزىمدە تانىمال مانەرلەپ سىرعاناۋشى يرينا رودنينا مەن اسا كورنەكتى حوككەيشى ۆلاديسلاۆ ترەتياك بار», - دەپ تۇيىندەدى ول.
دامير قوجامقۇل.
دەرەك, سۋرەت: Today.kz.