قر مادەنيەت جانە اقپارات مينيسترلىگى ارنايى كىتاپحانالار تۋرالى ساندىق دەرەكتەردى جاريالادى, دەپ حابارلايدى Egemen.kz.
زاعيپ جانە ناشار كورەتىن ازاماتتارعا ارنالعان 17 ارنايى كىتاپحانا, ونىڭ ىشىندە 1 رەسپۋبليكالىق, 7 وبلىستىق, 4 قالالىق, 2 فيليال, 3 ارنايى ءبولىم جۇمىس ىستەپ تۇر, وقىرماندارى 49 272-گە, كەلۋشىلەر سانى 423 860-قا جەتكەن. رەسپۋبليكالىق كىتاپحانا ەل بويىنشا 16 مامانداندىرىلعان كىتاپحاناعا ادىستەمەلىك ورتالىق رەتىندە قىزمەت ەتەدى. ارنايى كىتاپحانالاردىڭ جالپى قورى 1 010 076 كىتاپقا جەتكەن. كىتاپ قورى وتكەن جىلمەن سالىستىرعاندا 2,5%-عا وسكەن. ايتا كەتسەك, زاعيپ جاندار مەن ناشار كورەتىندەردىڭ جانە ولاردىڭ وتباسى مۇشەلەرىنىڭ رۋحاني دامۋىنا كومەكتەسەتىن بىرەگەي مادەني ورتالىق – ارنايى كىتاپحانالار كىتاپ وقۋدى ناسيحاتتاپ, قازاق جازۋشىلارىنىڭ ۇزدىك شىعارمالارىن دارىپتەپ كەلەدى جانە جەتكىنشەكتەردىڭ وقۋعا قىزىعۋشىلىعىن ارتتىرۋدا ماڭىزدى ءرول اتقارادى.