الماتىدا 12 ماۋسىم ساعات 00:00-دەن 14 ماۋسىم ساعات 08:00-گە دەيىن سۋ قۇبىرى جەلىلەرىندەگى تەحنولوگيالىق جابدىقتاردى اۋىستىرۋ بويىنشا جوسپارلى پروفيلاكتيكالىق جۇمىستار جۇرگىزىلەدى, دەپ حابارلايدى Egemen.kz.
وسىعان بايلانىستى جەتىسۋ اۋدانىندا رىسقۇلوۆ – لوباچەۆسكي – سەيفۋللين – اقپاەۆ كوشەلەرىنىڭ بويىندا سۋىق سۋ بەرۋ ۋاقىتشا شەكتەلەدى.
جۇمىس كەزەڭىندە تۇركسىب اۋدانىنىڭ ءبىر بولىگىندە رىسقۇلوۆ داڭعىلى – سەيفۋللين داڭعىلى – جۇماباەۆ كوشەسى – جانسۇگىروۆ كوشەسى كونتۋرىندا سۋ قىسىمىنىڭ تومەندەۋى كۇتىلەدى.
جابىق كلاپانداردى جانە باسقا دا تەحنولوگيالىق جابدىقتاردى اۋىستىرۋ بويىنشا جۇمىستاردى ۋاقىتىلى اياقتاۋ وسى اۋماقتارداعى تۇتىنۋشىلاردى ساپالى جانە تۇراقتى سۋمەن قامتاماسىز ەتۋگە مۇمكىندىك بەرەدى.
«الەۋمەتتىك نىساندارعا سۋ اۆتوتسيستەرنالارمەن جەتكىزىلەدى. ءماجبۇرلى ۋاقىتشا قولايسىزدىقتارعا تۇسىنىستىكپەن قاراۋلارىڭىزدى سۇرايمىز», دەپ حابارلادى «الماتى سۋ» مكك.
قىرمىزى جۇماعاليقىزى,
ەۇۋ ستۋدەنتى