قوستاناي. 16 قاڭتار. قوستاناي وبلىسىندا اكىمدەردىڭ ەسەپ بەرۋى باستالدى. بۇل تۋرالى egemen.kz ءتىلشىسى حابارلادى.
اۋىلدىق, سەولىق وكرۋگتەر اكىمدەرىنىڭ تۇرعىندارىمەن كەزدەسۋى قاڭتاردىڭ 14-نەن باستالدى. وندا اكىمدەر ءار وكرۋگتەگى وتكەن جىلداعى بىتكەن ىستەردى سارالاپ, جاڭا جىلداعى اتقارىلار جۇمىستاردى ىرىكتەيدى. وبلىس اكىمىنىڭ ءباسپاسوز حاتشىسى حابارلاعانداي, قاڭتاردىڭ اياعىنا قاراي, ياعني ايدىڭ 27-نەن باستاپ, بۇل ەستافەتانى اۋدان, قالا اكىمدەرى جالعاستىرادى. اۋدان, قالا اكىمدەرىنىڭ ەسەبىن اقپان ايىنىڭ 11 جۇلدىزىندا قارابالىق اكىمى اياقتايدى. وبلىس اكىمى نۇرالى سادۋاقاسوۆتىڭ وبلىس جۇرتشىلىعى وكىلدەرىمەن ەسەپتى كەزدەسۋى 18 اقپانعا بەلگىلەندى.
ەلباسى تاپسىرماسىنا سايكەس بارلىق دەڭگەيدەگى اكىمدەردىڭ ەسەپ بەرۋ ماۋسىمى جىل سايىن وتەدى. ەسەپتى كەزدەسۋلەردە وبلىس وڭىرلەرىن ەكونوميكالىق-الەۋمەتتىك دامىتۋدىڭ جىلدىق قورىتىندىلارى ورتاعا سالىنادى. اكىمدەر اۋىل, اۋدان تۇرعىندارىنىڭ سۇراقتارىنا جاۋاپ بەرەدى. وبلىس تۇرعىندارىنىڭ ايماق اكىمىنىڭ ەسەبىنە دەيىن كوكەيكەستى سۇراقتارىن الدىن الا جولداۋلارىنا مۇمكىندىكتەر جاسالعان.
ءنازيرا جارىمبەتوۆا.
دەرەك, سۋرەت: egemen.kz.