پاۆلودار وبلىسىندا جول اپاتى ەكى ءجاسوسپىرىمنىڭ ءومىرىن قيدى

قايعىلى وقيعا 5 ماۋسىم كۇنى پاۆلودار-اقسۋ تاس جولىندا ساعات 16:30-17:00 ارالىعىندا بولعان.

2009 جىلى تۋعان كامەلەتكە تولماعان بالا سكۋتەرمەن شىعىستان باتىسقا قاراي بەت العان. اقسۋ قالاسىنان شامامەن 3 شاقىرىم جەردە ترانسپورتتى باسقارا الماي, جولدىڭ وڭ جاق جولاعىندا تۇرعان «كاماز» ماركالى اۆتوماشينانىڭ ارتقى بولىگىنە سوعىلعان. «كاماز» «قازاۆتوجول» جشس-نە نەمەسە «كاجسەرۆيس دەۋ-62» جشس پوف-نا تيەسىلى بولۋى مۇمكىن. بەلگىلى بولعانى, شۇڭقىردى اينالىپ وتپەك بولعان «كاماز» جولدىڭ شەتكى بولىگىنە جىلجىعان.

اپات سالدارىنان 2008 جىلى تۋعان كامەلەتكە تولماعان جولاۋشى وقيعا ورنىندا قايتىس بولدى. 2009 جىلى تۋعان سكۋتەردىڭ جۇرگىزۋشىسى پاۆلوداردىڭ ءبىرىنشى قالالىق اۋرۋحاناسىنا جەتكىزىلىپ, ەسىن جيماستان كوز جۇمدى. كامەلەتكە تولماعان ەكى وقۋشى دا اقسۋ قالاسى №2 ورتا مەكتەبىنىڭ 9-سىنىبىندا وقىعان.   

«كاماز» بەن سكۋتەر ايىپپۇل تۇراعىنا جەتكىزىلدى.

«پاۆلودار – اقسۋ اۆتوجولىندا كامەلەتكە تولماعان سكۋتەر جۇرگىزۋشىسى مەن ونىڭ جولاۋشىسى قازا تاپقان جكو فاكتىسى بويىنشا قىلمىستىق ءىس قوزعالدى», دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.