تاسقىندا تۋعان تاسقىنبەك

ءوڭىر جۇرتشىلىعىن ابىگەرگە سالعان تاسقىن سۋ سابيلەردىڭ ەسىمىنە اسەر ەتكەنى بايقالادى. ازاماتتىق حال اكتىلەردى تىر­كەۋ باسقار­ماسىنىڭ باسشىسى الماگۇل تورەمۇراتوۆانىڭ ايتۋىن­شا, اتىراۋ قالاسىندا تۇ­را­تىن ءبىر وتباسى دۇنيەگە كەلگەن تۇڭعىش ۇلىن تاسقىن-بي ەسىمىمەن اتاۋدى ءجون كورىپ وتىر. ال يندەر اۋدانىنداعى ءسابيدىڭ بىرىنە تاسقىنبەك ەسىمى قويىلعان. بۇل – وتباسىنداعى سەگىزىنشى بالا.

ءبىر قىزىعى, ەكى ۇل دا ءبىر كۇن­دە ومىرگە كەلگەن. نارەستەلەردىڭ تۋعان كۇنى – 29 ءساۋىر.

ستاتيستيكالىق مالىمەتكە قا­را­عاندا, كەيىنگى كەزدە اتى­راۋ قا­لا­سىندا اتا-انالار ۇلى­نا مۇحام­ماد ەسىمىن كوپ تاڭ­دايتىنى بايقالىپ وتىر. جىل با­سى­نان بەرى 32 سابيگە ءدال وسى ەسىم قويىلعان. ال 19 بالاعا حام­­زا, 15 ۇلعا ايسۇلتان ەسى­مى­­مەن تۋ تۋرالى كۋالىك بەرى­لىپ­­تى. قىز­داردىڭ اراسىندا تانىمال­دى­لىعى تۇرعىسىنان ايشا ەسىمى الدىڭعى ورىندا تۇر. وسى ەسىم 33 بۇرىمدىعا قويىلعان. بۇدان سوڭ 31 مەدينا, 29 اسىلىم, 27 سافيا ەسىمى تىركەلگەن.

ال جىلىوي اۋداندىق ورتا­لىق اۋرۋحاناسىنىڭ ديرەكتورى اسۋلان ابدراحمانوۆتىڭ دەرە­گى­نە قاراعاندا, 5 ساۋىردەن مامىر­عا دەيىن جۇكتى انالار 42 ءسابي­دى دۇنيەگە اكەلگەن. ونىڭ 20-سى ۇل, 22-ءسى قىز. قۇلسارىنى تاسقىن باسقان كەزدە ىڭگالاعان ەگىز ۇل – جاس وتباسىنىڭ ءتورتىنشى جانە بەسىن­شى بالاسى. سابيلەردىڭ بويى – 52 سم. ەكەۋىنىڭ سالماعى بىردەي ەمەس. بىرەۋىنىڭ سالماعى – 3500, ەكىن­شىسى – 3350 گرامم.

ومىرگە ءسابي اكەلگەن انا­نىڭ ءبىرى – قۇلسارى قالاسىنىڭ تۇر­عى­نى جۇلدىز جاندوسقىزى ­6 سا­­­­ۋىرگە قاراعان تۇندە بوسان­عان. بىراق بىرنەشە ساعاتتان كە­يىن ماڭ­­عىستاۋ وبلىسىنىڭ بەي­نەۋ اۋدا­نىنداعى اۋرۋحاناعا ەۆا­كۋا­تسيا­لانعان.

ء«تۇن ورتاسىندا ۇلىمدى بو­سان­­­عان كەزدە قۇلسارى قالا­سىنا تاس­قىن سۋ كىرىپ, جۇرت ابىگەرگە ءتۇسىپ جاتقان ەدى. بۇل – تۇڭعىش ءسابيىم. سودان بولار, ۇلىم ءۇشىن الاڭ­دادىم», دەيدى جۇلدىز جان­دوسقىزى. جاس انانىڭ ايتۋىن­شا, اتا-ەنەسى نەمەرەسىنە بەكزات ­ەسى­مىن بەرگەن. الايدا ءسابيدىڭ بۇر­كەنشىك ەسىمى دە بار.

ء«بىز ونى تاسقىنباي دەپ ەركە­لەتەمىز. ويتكەنى ول سۋ تاس­قىنى كەزىندە ومىرگە كەلدى. تۋىس­تارىمىز دا وسىلاي ازىل­دەگەندى ۇناتادى», دەيدى جۇلدىز جاندوسقىزى.

اتىراۋ وبلىسى