كەشە پارلامەنت سەناتىنىڭ توراعاسى قاسىم-جومارت توقاەۆ تمد بايقاۋشىلار ميسسياسىن قازاقستانعا باستاپ كەلگەن تمد اتقارۋ كوميتەتىنىڭ توراعاسى – تمد اتقارۋشى حاتشىسى سەرگەي لەبەدەۆتى قابىلدادى.
ق.توقاەۆ قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىنا تاۋەلسىز مەملەكەتتەر دوستاستىعىنان كەلگەن حالىقارالىق بايقاۋشىلاردىڭ ۇيلەسىمدى جۇمىستارى ءۇشىن ريزاشىلىعىن ءبىلدىردى.
س.لەبەدەۆ بايقاۋشىلاردىڭ جۇمىسى ءۇشىن جاقسى جاعداي جاسالعانىنا ريزاشىلىعىن ءبىلدىردى جانە حالىقارالىق بايقاۋشىلار تاراپىنان پرەزيدەنتتىك سايلاۋعا باسا نازار اۋدارىلىپ وتىرعانىن جەتكىزدى. سايلاۋ ناۋقانىنا تمد ميسسياسىنىڭ قۇرامىندا تمد-نىڭ 8 ەلىنەن 410 بايقاۋشى كەلدى.
تمد اتقارۋشى حاتشىسى تمد بايقاۋشىلارى سايلاۋدى بايقاۋدى قازاقستان زاڭناماسى اياسىندا, ادىلدىك پەن ساياسي بەيتاراپتىق قاعيدالارىن باسشىلىققا الا وتىرىپ جۇرگىزەتىنىن اتاپ ءوتتى, دەپ حابارلادى پارلامەنت سەناتىنىڭ ءباسپاسوز قىزمەتى.