كەيىنگى كەزدە وسىعان دەيىن جەكەمەنشىككە ءوتىپ كەتكەن بالالار باقشالارى بۇرىنعى زاڭدى يەلەرى – جاس بۇلدىرشىندەرگە قايتارىلا باستاعانى بەلگىلى. ول ەندى قۋانا قۇپتارلىق جايت. ال مۇحتار اۋەزوۆ اتىنداعى پەداگوگيكا كوللەدجى بۇدان دا تىڭ باستامالارىمەن ءسۇيسىنتىپ وتىر. ياعني, اتالعان وقۋ ورنى وزدەرىنىڭ جازعى دەمالىس لاگەرىن قالاداعى №8 بالالار ۇيىنە باسى ءبۇتىن سىيعا تارتتى.
ءسويتىپ, جەتىم بالالار بيىلعى جازعى دەمالىستارىن قالا سىرتىنداعى, ەركە ەرتىس جاعاسىنداعى لاگەردە ەش الاڭسىز وتكىزبەك. راس, بۇل لاگەردىڭ قازىرگى جاي-كۇيى سونشا ماقتاۋعا كەلمەيدى. ونى دۇرىستاپ ۇستاۋعا پەدكوللەدجدىڭ شاماسى كەلمەگەنى دە شىندىق. سوندىقتان بۇل ماسەلەدە بالالار ۇيىنە قالالىق ءبىلىم ءبولىمى, جەكەلەگەن دەمەۋشىلەردەن كومەك بولاتىندىعىنا سەنگىڭ-اق كەلەدى. قالاي بولعاندا دا باردى ۇقساتا بىلگەنگە نە جەتسىن!
داۋلەت سەيسەن ۇلى.
سەمەي.