«اۆتوكولىك اپەرەم» دەگەن الاياق

ول 2010 جىلدىڭ قازان ايىندا جا­بىرلەنۋشىدەن اقش-تان «روللس-رويس» ماركالى اۆتوكولىكتى اكەلىپ بەرەمىن دەپ 50 ملن تەڭگەدەن استام اقشاسىن الىپ, كەيىن قاشىپ كەتكەن. وعان قاتىستى قىلمىستىق ءىس قوزعالىپ, حالىقارالىق ىزدەۋ جاريالانادى. كۇدىكتى ەلىمىزدىڭ قۇقىق قورعاۋ ورگاندارىنان 10 جىل­دان استام ۋاقىت بويى جاسىرىنىپ كەلدى. مۇنداي قىلمىس جاساعانى ءۇشىن مۇلكى تاركىلەنىپ, 3 جىلدان 7 جىلعا دەيىن­گى مەرزىمگە باس بوستاندىعىنان ايىرۋ جازاسى كوزدەلگەن.

كۇدىكتىنى ەكستراديتسيالاۋ قازاق­ستان رەسپۋبليكاسى مەن بىرىككەن اراب امىرلىكتەرى اراسىنداعى 2009 جىلى قازاقستان رەسپۋبليكاسىنىڭ باس پرو­كۋراتۋراسى دايىنداعان قىلمىسكەر­لەردى ۇستاپ بەرۋ تۋرالى كەلىسىم نەگى­زىندە جۇزەگە استى.

ەل تۇرعىندارىنىڭ قۇقىقتىق ساۋاتى ارتتى دەگەنىمىزبەن, ءالى دە الاياقتاردىڭ ارباۋىنا ءتۇسىپ قالىپ جاتقاندار از ەمەس. اقمولا وبلىسى پرو­كۋراتۋراسىنىڭ مالىمەتىنشە, وسى اپتانىڭ وزىندە 18 وبلىس تۇرعىنى ين­تەرنەت-الاياقتاردىڭ قۇرىعىنا ءتۇسىپ, 20 ملن تەڭگەدەن استام قاراجاتىنان ايىرىلعان.

ينتەرنەت سايتتارى جانە الەۋمەت­تىك جەلىلەردەگى جوق تاۋارلاردى ساتۋ, ءارتۇرلى قىزمەتتەردى ۇسىنۋ تۋرالى حابارلاندىرۋلار, بانكتەر مەن قۇقىق قورعاۋ ورگاندارىنىڭ قىزمەتكەرى بولىپ حابارلاسىپ, اقشالاي قاراجات­تى نەمەسە سالىمدى «قاۋىپسىز شوتقا» اۋدارۋدى ۇسىناتىن قوڭىراۋلارى الاياقتىقتىڭ ەڭ كوپ تارالعان تاسىلدەرى بولىپ تۇر.

ماسەلەن, ءبىر تۇرعىنعا ۇيالى بايلانىس وپەراتورىمىن دەگەن بەلگىسىز ادام SIM-كارتانىڭ مەرزىمىن ۇزارتۋ كەرەك دەپ قوڭىراۋ شالعان. الاياق وعان سىلتەمە جىبەرىپ, سول ارقىلى ونىڭ اتىنان نەسيە راسىمدەگەن.

تاعى ءبىر جاعدايدا زەينەتكەرگە بەل­گىسىز ادام قوڭىراۋ شالىپ, ءوزىن بالاسى رەتىندە تانىستىرعان جانە بانك كارتاسىنىڭ ەكى بەتىن سۋرەتكە ءتۇسىرىپ جىبەرۋدى, تەلەفون نومىرىنە كەلىپ تۇسكەن قۇپيا ءسوزدى ايتۋدى سۇراعان. وسى­لايشا, ارام ويىن ىسكە اسىرعان اككى زەينەتكەردىڭ اتىنان اقشالاي نەسيە راسىمدەلگەن.

پروكۋرورلار ازاماتتاردى قىرا­عى بولۋعا, ساتۋشىنىڭ سەنىمدىلىگىنە كوز جەتكىزبەستەن تاۋار ءۇشىن الدىن الا تولەم جىبەرمەۋگە, قوڭىراۋ شا­لۋشىلارعا سەنبەۋگە, وزدەرىنىڭ جەكە ما­لىمەتتەرىن بەيتانىس ادامدارعا بەرمەۋگە شاقىرادى.