سەناتتىڭ ەكونوميكالىق ساياسات, يننوۆاتسيالىق دامۋ جانە كاسىپكەرلىك كوميتەتىنىڭ دەپۋتاتتارى جامبىل وبلىسىندا بولىپ, بيزنەس وكىلدەرىمەن كەزدەستى. جۇزدەسۋگە قاتىسۋشىلار وڭدەۋ ونەركاسىبىن دامىتۋ ماسەلەلەرى جانە ونى شەشۋ جولدارىن تالقىلادى, دەپ حابارلايدى Egemen.kz پارلامەنت سەناتىنىڭ ءباسپاسوز قىزمەتىنە سىلتەمە جاساپ.
دەپۋتاتتار وبلىس كاسىپكەرلەرىن تولعاندىرعان تاقىرىپ پارلامەنت سەناتىندا وتكەن وڭدەۋ ونەركاسىبى تۋرالى پارلامەنتتىك تىڭداۋدا قارالعان ماسەلەلەرمەن ساباقتاس ەكەنىن اتاپ ءوتتى. وندا وتاندىق شيكىزاتتىڭ وندىرىستەگى تاپشىلىعى, گاز بەن ەلەكتر ەنەرگياسىنىڭ جەتىسپەۋشىلىگى, جابدىقتاردىڭ توزۋى, قارجى رەسۋرستارىنا قول جەتكىزۋدەگى قيىندىقتار جانە مەملەكەتتىك قولداۋ شارالارىنىڭ جەتكىلىكسىزدىگى تۋرالى ايتىلدى.
پارلامەنتشىلەر كەزدەسۋ بارىسىندا كوتەرىلگەن ماسەلەلەر نازاردا بولاتىنىن جانە دەپۋتاتتاردىڭ بۇدان بىلايعى زاڭ شىعارۋ قىزمەتىندە ەسكەرىلەتىنىن اتاپ ءوتتى.
دەپۋتاتتار سونداي-اق «ەۆروحيم» مينەرالدى-حيميا كەشەنىندە, «قازفوسفات» مينەرالدى تىڭايتقىش شىعاراتىن, «Talasinvestment company» ناتري ءتسيانيدىن وندىرەتىن, جامبىل «يمستالكون» مەتالل كونسترۋكتسياسى» زاۋىتتارىندا جانە «تاراز بىلعارى اياق كيىم» كاسىپورنىندا بولدى.