بەلگىلى قالامگەر تابىل قۇلياس قاريا مۇراعاتقا ماتتاقام ەدى. وسى سۋرەتتى كوزى تىرىسىندە سول كىسى بەردى. مۇندا 1927 جىلى ورىنبورداعى جۇمىسشىلار فاكۋلتەتىندە وقىپ جۇرگەن ورىمدەي قازاق جاستارى بەينەلەنگەن. بىراق ولاردىڭ كىم ەكەنى بەيمالىم. وقۋعا قاي وڭىردەن بارعانى دا بەلگىسىز. مارقۇم تابىل اعا دا سۋرەتتەگى ادامداردى ناقتى بىلمەيتىنىن ايتقان ەدى.
«2003 جىلى ورىنبور قالاسىنداعى ارحيۆكە باردىم. وندا ەل تاريحىنا قاتىستى ءبىراز دۇنيە بار. ارحيۆتە اپتا بويى وتىرىپ, كوپتەگەن دەرەك الدىم. سونىڭ ءبىرى – وسى سۋرەت. ونىڭ سىرتىنا «رابفاك. 1927 گود. گ.ورەنبۋرگ. فوتو ە.ە.بلەحمانا» دەپ جازىلعان. وزگە ەشتەڭە جوق. باسقا قۇجاتتاردان بۇل جايىندا مالىمەت كەزدەسپەدى. ارحيۆ قىزمەتكەرىنەن سۇراپ ەدىم, ودان تۇشىمدى جاۋاپ بولمادى. سوسىن سۋرەتتىڭ كوشىرمەسىن ءتۇسىرىپ الدىم. مىنە, سودان بەرى بۇل جادىگەردى كوزىمنىڭ قاراشىعىنداي ساقتاپ ءجۇرمىن. سۋرەتتەگى كىسىلەردى تانىمادىم. بىراق وسى جىگىتتەردىڭ كەيىنگى تاعدىرلارى قالاي قالىپتاستى دەپ ويلايمىن. وتىزىنشى جىلدارداعى قىرعىننان امان قالدى ما ەكەن؟», دەپ كۇرسىنىپ ەدى.
بيىل بۇل سۋرەتكە 97 جىل تولادى. عاسىرعا جۋىق ۋاقىت. ەندەشە, ءسىز دە تاريحي جادىگەرگە ءبىر ءۇڭىلىپ كورىڭىز.