بەلارۋس استاناسى مينسك قالاسىندا ەكى ەل ۇكىمەت باسشىلارىنىڭ ءبىرىنشى ورىنباسارلارى رومان سكليار مەن نيكولاي سنوپكوۆتىڭ توراعالىعىمەن ساۋدا-ەكونوميكالىق ىنتىماقتاستىق جونىندەگى قازاقستان-بەلارۋس ۇكىمەتارالىق كوميسسياسىنىڭ 18-وتىرىسى بولدى.
ءىس-شاراعا ەكى ەلدىڭ جاۋاپتى مەملەكەتتىك ورگاندارىنىڭ وكىلدەرى قاتىستى. ناتيجەسىندە, ونەركاسىپ, كولىك, قۇرىلىس, ءبىلىم جانە عىلىم سياقتى نەگىزگى سالالارداعى ىنتىماقتاستىق ءۇشىن جاڭا مۇمكىندىكتەر اشاتىن حاتتاماعا قول قويىلدى.
قازاقستان مەن بەلارۋس ونەركاسىپتىك كووپەراتسيانى ودان ءارى نىعايتۋدىڭ ۇلكەن الەۋەتىنە يە بولعاندىقتان, ونەركاسىپ سالاسىنداعى ءوزارا ءىس-قيمىلعا ەرەكشە نازار اۋدارىلدى. ەكى ەل ەكونوميكاسى ءۇشىن ماڭىزدى سانالاتىن كولىك جانە قۇرىلىس سالاسىنداعى بىرلەسكەن جوبالار دا ايقىندالدى.
ءبىلىم جانە عىلىم سالاسىنداعى بىرلەسكەن جۇمىس جاس عالىمدار مەن ماماندار ءۇشىن جاڭا مۇمكىندىكتەر اشادى. تاجىريبە مەن يننوۆاتسيالىق يدەيالار الماسۋعا ىقپال ەتەدى.