جەر سىلكىنىسى قازاقستان مەن قىرعىزستان شەكاراسىندا بولدى, دەپ حابارلايدى Egemen.kz ەۋروپالىق جەرورتا تەڭىزى سەيسمولوگيالىق ورتالىعىنا سىلتەمە جاساپ.
جەراستى دۇمپۋلەرى استانا ۋاقىتىمەن 10:13-تە تىركەلدى. جەر سىلكىنىسىنىڭ وشاعى بىشكەكتەن سولتۇستىك-شىعىسقا قاراي 32 شاقىرىم جەردە ورنالاسقان. جەر سىلكىنىسىنىڭ كۇشى 4,4 بالدى قۇرادى. قازاقستان اۋماعىندا سەزىلگەندىگى تۋرالى مالىمەت جوق.
ەستەرىڭىزگە سالا كەتەيىك, بۇعان دەيىن قازاقستاندا اۋقىمدى سەيسميكالىق دايىندىق جۇمىستارى جۇرگىزىلەتىنى حابارلانعان. «جەر-2024» وقۋ-جاتتىعۋلارى 3 جانە 4 ماۋسىمدا الماتى, شىمكەنت, اباي جانە جەتىسۋ وبلىستارىندا, الماتى, شىعىس قازاقستان, جامبىل, قىزىلوردا جانە تۇركىستان وبلىستارىندا وتەدى. وقۋ-جاتتىعۋدى ۇيلەستىرۋ جونىندەگى رەسپۋبليكالىق شتاب شىعىس قازاقستان وبلىسىنىڭ وسكەمەن قالاسىندا ورنالاسقان.