اۋىل شارۋاشىلىعى ۆيتسە-ءمينيسترى امانعالي بەردالين ەلدە بولعان سۋ تاسقىنى سالدارىنان ەت پەن مالدىڭ باعاسى وسپەيتىنىن مالىمدەدى, دەپ حابارلايدى Egemen.kz.
سەناتتىڭ جالپى وتىرىسىنان كەيىن ءمينيستردىڭ ورىنباسارىنا «تاسقىننىڭ سالدارى ەت پەن مالدىڭ باعاسىنا اسەر ەتە مە؟» دەگەن سۇراق قويىلدى.
امانعالي بەردالين تابيعي اپات نارىقتاعى باعاعا اسەر ەتپەيتىنىن جەتكىزدى.
«جوق, قازاقستاندا 9 ملن-عا جۋىق ءىرى قارا, 27 ملن-عا جۋىق قوي, 4 ملن-عا جۋىق جىلقى بار. تاسقىننان قىرىلعان 12 مىڭ باس جالپى مالدىڭ 1%-ىن دا قۇرامايدى. سوندىقتان نارىققا ەشقانداي اسەرى بولمايدى», دەپ سەندىردى ۆيتسە-مينيستر.