ءماجىلىس قازاقستان مەن قىتاي ۇكىمەتتەرى اراسىنداعى ترانسكاسپي حالىقارالىق كولىك باعىتى تۋرالى كەلىسىمدى راتيفيكاتسيالادى, دەپ حابارلايدى Egemen.kz.
بۇل كەلىسىم ەكى ەل اۋماعى ارقىلى كونتەينەرلىك پويىزدار ءۇشىن ەكسپورتتىق جانە يمپورتتىق تاسىمالداۋدى ارتتىرۋ بويىنشا ىنتىماقتاستىقتى ودان ءارى دامىتۋعا باعىتتالعان.
كەلىسىمدى جۇزەگە اسىرۋ ناتيجەسىندە قىتاي ترانسكاسپي حالىقارالىق كولىك باعىتىنىڭ مۇناي قۇبىرى مەن پورت ينفراقۇرىلىمى جوبالارىن قارجىلاندىرۋعا, سونداي-اق ەكى ەل اراسىنداعى جۇكتەردى ترانزيتتىك تاسىمالداۋدى جۇزەگە اسىرۋعا جاردەمدەسەتىن بولادى.
«ترانسكاسپي حالىقارالىق كولىك باعىتىنىڭ ازيادان ەۋروپاعا تىكەلەي جۇك جەتكىزۋ مۇمكىندىگى زور. بۇگىندە بۇل جول ارقىلى مۇناي, مۇناي ونىمدەرى, مەتالدار, استىق, حيميالىق زاتتار, سودا جانە باسقا دا تاۋارلار ەكسپورتتالادى. ال يمپورتتا تۇتىنۋ تاۋارلارى, ازىق-ت ۇلىك, تەمىر رۋدالارى, قارا مەتالدار, حيميالىق زاتتار, مۇناي ونىمدەرى باسىم», دەلىنگەن ءماجىلىس حابارلاماسىندا.
ەۋروپالىق قايتا قۇرۋ جانە دامۋ بانكىنىڭ باعالاۋى بويىنشا, ينۆەستيتسيالىق جوبالاردى ىسكە اسىرۋ جانە ترانسكاسپي حالىقارالىق كولىك باعىتىمەن ۇزدىكسىز بايلانىستى قامتاماسىز ەتۋ شارالارى ارقىلى كونتەينەرلىك تاسىمالداۋ كولەمى 2040 جىلعا قاراي كونتەينەرلەر 470 مىڭعا دەيىن, ال جالپى ورتالىق ازيا ەلدەرىن ەسەپكە العاندا 800 مىڭعا دەيىن ۇلعايتىلادى.
ەرلان كيىكباي,
ل.ن.گۋميلەۆ اتىنداعى ەۇۋ ستۋدەنتى