الماتىنىڭ تۇركسىب اۋدانىندا 30 مامىر كۇنى تاڭەرتەڭنەن كەشكە دەيىن سۋ جەلىلەرىندە جوسپارلى پروفيلاكتيكالىق جۇمىستار جۇرگىزىلۋىنە بايلانىستى سۋىق سۋ وشىرىلەدى, دەپ حابارلايدى Egemen.kz.
«الماتى سۋ» مەكەمەسىنىڭ مالىمەتىنشە, 30 مامىردا ساعات 08:00-دەن 20:00-گە دەيىن سۋ قۇبىرى جەلىلەرىندەگى تەحنولوگيالىق جابدىقتاردى اۋىستىرۋ جانە جاڭا سۋ قۇبىرىن قوسۋ بويىنشا جوسپارلى پروفيلاكتيكالىق جۇمىستار جۇرگىزىلەدى.
وسىعان بايلانىستى ەنگەلسا-ۆولگوگرادسكايا رادۋس زەنكوۆيچا-سپاسسكايا-بەكماحانوۆا كوشەلەرىنىڭ بويىنداعى نيجنيايا پياتيلەتكا تۇرعىن الابىندا سۋىق سۋ بەرۋ ۋاقىتشا توقتاتىلادى.
سونداي-اق لەرمونتوۆ-ۆولگوگرادسكايا-نۇرسايا سپاسسكايا كوشەلەرىنىڭ الاڭىندا تۇراتىن تۇتىنۋشىلارعا سۋ قىسىمىنىڭ تومەندەۋى كۇتىلەتىنى ەسكەرتىلدى.
سونىمەن قاتار جابىق كلاپاندار مەن باسقا دا تەحنولوگيالىق جابدىقتاردى اۋىستىرۋ بويىنشا جۇمىستاردى ۋاقتىلى اياقتاۋ اتالعان اۋداندارداعى تۇتىنۋشىلاردى ساپالى جانە تۇراقتى سۋمەن قامتاماسىز ەتۋگە مۇمكىندىك بەرەدى.
قىرمىزى جۇماعاليقىزى,
ەۇۋ ستۋدەنتى