ۇلتىمىزدىڭ كۇش-قايراتى مەن بىرلىك-بەرەكەسىنىڭ مەكەنى بولعان كيەلى ۇلىتاۋدا تۋىپ, جەر ءجانناتى جەتىسۋدىڭ تورىندەگى اسپانمەن استاسقان الاتاۋدىڭ اسقارالى بيىكتەرىن باعىندىرعان, بۇكىل ۇلتتىڭ ساۋلىعىن كەڭ تارماقتى ساياسات دەڭگەيىنە كوتەرگەن, تابيعاتى تازا, بولمىسى تارلان قايران ءتور-اعا – تورەگەلدى شارمان ۇلى!
قانىنا سىڭگەن قازاقتىڭ قايراتكەرلىگى مەن كەڭدىگى, الاش ارىستارى اماناتتاعان ازاماتتىعى سوناۋ «ازامات» پارتياسىنىڭ قاتارىندا ول كىسىمەن يىق تىرەسە ەلدىك جولىندا تەر توككەن كۇندەرىمىزدە دە ايقىن كورىنگەن ەدى.
قانشا جاسقا كەلسە دە تاۋسىلماعان, قازىناسى ورتايماعان, كەزدەسكەندە كوكىرەك كەۋدەڭدى اشىپ, سويلەسە قالسا, سۋسىنىڭدى قاندىرىپ, جۇزدەسكەندە جانىڭدى جادىراتقان قايران داريا اعا ماڭگىلىك ساپارىنا وزدى.
جانىنىڭ جايساڭدىعىن, جۇرەگىنىڭ جازيرالىعىن, ءجۇزىنىڭ جىلىلىعىن ۇمىتپايمىز.
مارقۇمنىڭ الدى – وزىنە, سوڭى – ەلىنە جارىق بولسىن!
مۇرات اۋەز,
قوعام قايراتكەرى, مادەنيەتتانۋشى