اكادەميالىق تاجىريبە

NU وقىتۋشىلارى ەلى­مىزدىڭ وڭىرلەرىندەگى 30 جو­عارى وقۋ ورنى وكىل­دەرى­مەن, جوعارى ءبىلىم بەرۋ سا­لاسىنداعى 70-تەن استام باسقارۋشىمەن PhD باع­دار­لامالارىن باسقارۋ, زەرت­تەۋ جۇمىستارى بويىن­شا ۇسىنىستار دايىنداۋ جانە كاسىبي تۇرعىدان دا­مۋ تاجىريبەلەرىمەن ءبو­لىس­تى. تىڭداۋشىلار پىكىر­تالاس­تارعا, پراكتيكالىق ساباق­تارعا قاتىسىپ, ۋنيۆەرسي­تەت كىتاپحاناسىنا ەكسكۋرسيا جاسادى. سەمينار جۇمىسىن اشا وتىرىپ, عىلىم جانە جوعا­رى ءبىلىم سالاسىنداعى ساپانى قامتاماسىز ەتۋ كومي­تەتى توراعاسىنىڭ ورىنباسارى عاني ەسەنباەۆ NU-دىڭ PhD دايارلاۋداعى وڭ تاجىريبەسىن اتاپ ءوتتى.

«وزدەرىڭىز بىلەتىندەي, ءبىز عىلىمي كادرلاردى – عى­لىم كانديداتتارىن, دوك­تورلارىن دايارلاۋدىڭ ءداس­تۇرلى جۇيەسىنەن PhD دايار­­لاۋعا كوشتىك. ءالى كۇن­گە دەيىن بىزگە جاڭا جۇيە بو­يىنشا كوپتەگەن سۇراق كە­لىپ تۇسۋدە, كوپشىلىككە تۇ­سىنىكسىز بولىپ وتىر. سول سە­بەپتى وسىنداي سەمينار وت­كىزەمىز دەپ شەشتىك. وسى ۋاقىت ىشىندە NU PhD دايارلاۋدا جاقسى تاجىريبە جينادى دەپ ايتا الامىز. سون­دىقتان سەميناردى ۇيىم­داستىرۋ جۇمىستارىن ۋني­ۆەرسيتەتكە تاپسىردىق. ءۇش كۇن ىشىندە NU سىزدەرمەن ءساتتى تاجىريبەسىمەن بولى­سەدى دەپ ۇمىتتەنەمىز», دەدى ع.ەسەنباەۆ.

ءوز كەزەگىندە NU-دىڭ ديپلومنان كەيىنگى باع­دار­­لامالار جونىندەگى قاۋىم­داستىرىلعان پروۆوستى دوكتور لۋيس روحاس-سولورزانو دوك­تورانتتاردى دايارلاۋ بو­يىنشا كەيبىر مالىمەتتەر­مەن ءبولىستى. «NU قۇرىلعان­نان بەرى 13 جىل ىشىندە 108 PhD دارەجەسى بە­رىل­دى, بۇعان بيىلعى ۇمىتكەر­لەر سانى كىرمەيدى. ونىڭ 47-ءسى عىلىم, ينجەنەريا جانە ­تەحنولو­گيا cالاسىنداعى فيلوسو­فيا دوكتورى دارەجەسىن الىپ, ال 35-ءى ءبىلىم بەرۋ سالاسىن­دا فيلوسوفيا دوكتورى اتان­دى. ديپلوم بەرۋ ءراسىمى جى­لى­نا ءۇش رەت وتەدى, ماۋسىم ايىن­دا تاعى ءبىر لەك ماراپاتتال­ماق», دەدى ول.

سەميناردىڭ ءبىرىنشى كۇنى PhD باعدارلامالارىن باسقارۋدىڭ نەگىزگى اسپەك­تى­لەرىنە ارنالدى. وقىتۋشى­لار NU جوعارى وقۋ ورنىنان كەيىنگى باعدارلامالارى ءۇشىن وقۋ جوسپارلارى مەن كۋرستاردى ازىرلەۋ تۋرالى ايتىپ, اكادەميالىق جازۋ جانە زەرتتەۋ ادىستەرى تاقىرى­بىن قوزعادى, بىلىكتىلىك ەمتيحانى بويىنشا باعالاۋ جانە تالداۋ كريتەريلە­رىن تالقىلا­دى. ءارى قاراي اقپاراتتىق سەسسيا ءوتتى, وندا پروۆوست كەڭسەسى باسقا جوعارى وقۋ ورىندارىنىڭ دوكتورانتتارى ءۇشىن تاعىلىمدامالار تۋرالى ايتتى. سەميناردىڭ ەكىنشى كۇنى ديسسەرتاتسيالىق زەرتتەۋلەردىڭ نەگىزدەمەلە­رىن دايىنداۋ ماسەلەلەرىنە ارنالدى. تىڭداۋشىلار­عا PhD زەرتتەۋلەرىنە ارنال­عان جا­ريالانىمدار مەن سترا­تەگيالارعا قويىلاتىن تالاپتار تۋرالى ايتىلدى. ماقالا جاريالاۋعا جاق­سى جۋرنالداردى تاڭ­داۋ, ولاردى دايىنداۋعا جانە ۇسىنۋعا كومەكتەسۋ, عى­لىمي ەڭبەكتەردىڭ سترا­تەگيا­سىن انىقتاۋدا عى­لى­­مي جەتەكشىنىڭ ءرولى سياق­تى ماسەلەلەرگە ەرەكشە نا­زار اۋدارىلدى. ءارى قا­راي NU وقىتۋشىلارى ديس­سەر­تاتسيانى جازۋ جانە قور­عاۋ تاقىرىبىنا تولى­عى­راق توقتالدى. سەمي­نار باع­دارلاماسى NU كىتاپحا­نا­سىنىڭ قىزمەتكەرلەرى جۇر­گىزگەن اقپاراتتىق سەسسيا­مەن اياقتالدى, ولار جو­عارى وقۋ ورنىنان كەيىنگى باع­دارلامالاردا ءبىلىم الۋ­شى­لارعا كىتاپحانانىڭ قالاي كومەكتەسە الاتىنى تۋرالى ايتىپ بەردى.

«مەن بۇل سەمينارعا ارنايى جازىلدىم, سەبەبى دوكتورانتتاردى دايارلاۋ ما­سەلەلەرى – بارلىق وتاندىق جوعارى وقۋ ورنى ءۇشىن, سو­نىڭ ىشىندە ءبىزدىڭ ۋنيۆەرسيتەت ءۇشىن دە وتە ماڭىزدى ماسەلە. ءۇش كۇن ىشىندە NU جانە حالىق­ارالىق عىلى­­مي كەڭىستىك جاع­­­دايىندا PhD ­دايارلاۋ جۇيەسىمەن تا­نىستىق. شاقىرىلعان سپيكەرلەر ءوز ەلدەرىندەگى PhD ­دايارلاۋ جۇيەسى تۋرالى ايتىپ بەردى. ءبىز ءۇشىن بۇل – بىرە­گەي تا­جىريبە, سەبەبى قازاقستان­دا جانە شەتەلدە دوكتورانت­تاردى دايارلاۋ جۇيەسى تۇ­بەگەيلى ەرەكشەلەنەدى», دەي­دى ە.ا.بوكەتوۆ اتىنداعى قا­راعاندى ۋنيۆەرسيتەتى شە­تەل تىل­دەرى فاكۋلتەتىنىڭ دە­كانى گۇلناز تىلەۋجانوۆا سە­ميناردان العان اسەر­لەرى­مەن ءبولىستى.